Bad ngan pynskhem ïa la ka jutang hapdeng jong nga bad me bad u symbai jong me hadien jong me ruh, ha ki pateng la pateng bynriew jong ki, ban long ka jutang ka baïaineh junom, ban long U Blei ïa me, bad ïa u symbai jong me hadien jong me.
La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.
Uta uba ïaid hok, bad uba kren beit; uta uba isih ïa ka jingïoh myntoi ka jingshukor, uba kynther ïa la ki kti na ka ban bam tyngka, uba set khop ïa la ki shkor na ka jingbna ïa ka snam, bad uba khapbrip ïa la ki khmat na kaba khmih ïa ka basniew;
bad ngan ai ïa ki kawei ka dohnud bad kawei ka lynti ba kin ïoh sheptieng ïa nga ha la ka rta; namar ka jingbha jong ki, bad jong ki khun jong ki hadien jong ki:
Namar ka jingkmen jong ngi ka long kane keiñ, ka jingphla ka jingïatiplem jong ngi, ba ha ka jingkhuid bad ha ka jingsngur bariewblei, ym ha ka jingstad bakynja doh, hynrei, ha ka jingaiei U Blei, ngi la pynïaid ïa lade ha ka pyrthei, bad kham bun eh sha phi.