PROBERB 20:3 - KA BAIBL

³ Ka long burom ïa u briew ba un kiar na ka jingïakajia: hynrei, u babieit baroh un shu ïamai.

Khasi CL Bible (BSI)

³ Uno uno uba bieit u lah ban sdang ïa ki jingïania; kaba donburom ka long ban kiar na kine.

PROBERB 20:3 ပူးပေါင်းရင်းမြစ်များ

JENESIS 13:7

Bad ka la don ruh ka jingïakajia hapdeng ki nongap jingri jong u Abram bad ki nongap jingri jong u Lot: bad ki Kanaan ruh bad ki Peris mynkata ki la ïashong sah ha kata ka ri.

JENESIS 13:8

Te u Abram u la ong ha u Lot, “Nga kyrpad ïa me to wat ai ba kan long kaba ïakajia bad nga bad me, lymne bad ki nongap jingri jong nga bad ki nongap jingri jong me; namar ngi long shipara.

2 SYIEM 14:9

Te u Jehoash u syiem ki Israel u la jubab ïa u Amasaïah u syiem ka Judah, u da ong, “U dieng shiah uba ha Lebanon u la phah ha u dieng Kedar uba ha Lebanon, u da ong, ‘To buh kurim ïa la ka khun ha u khun jong nga:’ hynrei, u mrad khlaw uba ha Lebanon u la ïaid nangta, bad u la ïuh roit ïa uta u dieng shiah.

PROBERB 14:17

Uta uba bitar shen, un leh bieit: bad ïa u briew u basniew ki jingpyrkhat, la isih.

PROBERB 14:29

Uta uba tud ban bitar u don ka jingshemphang kaba khraw: hynrei, uta uba jyndong la ka mynsiem u kyntiew ïa ka jingbieit.

PROBERB 16:32

Uba tud ban bitar u kham lah ban ïa uba khlaiñ; bad uba synshar ïa la ka mynsiem ban ïa uba jop ïa ka shnong.

PROBERB 17:14

Ka jingsdang ka jingïaleh ka long kum haba uwei u pyllait noh ïa ka um: namar kata, to pynwai noh ïa ka jingïapyneh, katba ym pat long ka jingïakajia.

PROBERB 18:6

Ki rmiang shyntur jong u babieit ki bsut sha ka jingïapyneh, bad ka shyntur jong u ka dawa ïa ki jingsympat.

PROBERB 19:11

Ka jingsian u briew ka pynlong ïa u, uba tud ban bitar; bad ka long ka burom jong u ban jam palat ïa ka jingryngkang.

PROBERB 21:24

Uba sarong bad uba sngewmeng, “U nongrkhiebeiñ” long ka kyrteng jong u, u trei ha ka jingsngewkhraw ka jingsarong.

PROBERB 26:17

Uta uba shu ïaid najan, bad u pynshitom ïa lade ha ka jingïaleh ka bymdei ei ei ïa u, u long kum uba bat ïa u ksew na ki shkor.

EPHESOS 4:32

bad to phin long ruh kiba leh sbun paralok, kiba jemnud, kiba ïamap paralok, kumba U Blei ruh ha U Khrist u la map ïa phi.

JAKOB 3:14

Hynrei, lada phi don ka jingpihuiñ bakthang bad ka jingpyneh sat ha ka dohnud jong phi, wat ïalamler pyrshah ïa ka jingshisha.

JAKOB 4:1

Nangno ki wan ki jingïaleh thma, bad nangno ki jingïania hapdeng jong phi? Ym nangta hi, na kita ki jingkwah brai jong phi kiba ïaleh thma ha kita ki dkhot jong phi?