PROBERB 20:2 - KA BAIBL

² Ka jingpynsheptieng u syiem ka long kum ka jingkyrhuh u sing: uta uba pankwah ïa u ban bitar u leh pop ïa la ka jong ka mynsiem.

Khasi CL Bible (BSI)

² To sheptieng ïa u syiem uba bitar kumba phi leh ïa u sing bakyrhuh; kaba pynbitar ïa u ka long kaba pynïap ïa lade.

PROBERB 20:2 ပူးပေါင်းရင်းမြစ်များ

1 SYIEM 2:23

Ynda kumta, u Solomon syiem u la smai da U Trai, u da ong, “U Blei un leh kumta ïa nga, bad kham tam ruh, lada u Adonijah um shym la kren ïa kane ka ktien pyrshah ïa la ka jong ka jingim.

1 SYIEM 2:24

Namar kata te, katba im U Trai, uba la thung ïa nga, bad uba la buh ïa nga halor ka khet u Dabid u kpa jong nga, bad u la pynlong ïing ïa nga, kumba u la kular, shisha yn pynïap ïa u Adonijah ha kane ka sngi.”

PROBERB 19:12

Ka jingbitar u syiem ka long kum ka jingkyrhuh u sing; hynrei, ka jingsngewbha jong u kum ka umjer halor u phlang.

PROBERB 8:36

Hynrei, uta uba leh pop ïa nga u pynsniew ïa la ka jong ka mynsiem: baroh kat kiba shun ïa nga ki ieit ïa ka jingïap.”

EKLESIASTIS 10:4

Lada ka mynsiem u nongsynshar ka khih pyrshah ïa me, wat iehnoh ïa la ka jaka; namar ka jingkohnguh ka pynjem ïa ki jingpalat bakhraw.

HOSIA 11:10

“Kin bud ïa U Trai, u ban kyrhuh kum u sing: namar u hi un kyrhuh, te ki khun kin wan da kaba khynñiuh na sepngi.

AMOS 3:8

U sing u la kyrhuh, uei u ban ym sheptieng? U Trai U Blei u la kren, uei u ban ym ïathuhlypa?”

HABAKKUK 2:10

Me la ïashet ka jinglehrain ïa la ka jong ka ïing, da kaba me la pynduh noh ïa ki kynja bynriew shibun, bad me la leh pop ïa la ka mynsiem.

JINGKHEIÑ 16:38

na kita ki pliang jong kine kiba la leh pop ïa la ki mynsiem jong ki hi, to thaw sla ki baïar ïa ki, ban long ka jingtap ïa ka duwan: naba ki la ainguh ïa ki ha khmat U Trai, namar kata, ki long kiba la kyntang: bad kin long ka dak ha ki khun Israel.”