PROBERB 20:1 - KA BAIBL

¹ Ka Waiñ ka long ka nongrkhiebeiñ, bad ka kyiad ka long ka nongïamai; bad uba bakla da ki, um long u bastad.

Khasi CL Bible (BSI)

¹ Kaba dih kyiad palat ka pynlong ïa phi uba bunktien bad uba bieit. Ka long ka jingijli ban buaid.

PROBERB 20:1 ပူးပေါင်းရင်းမြစ်များ

2 SAMUEL 11:13

U Dabid te u la khot ïa u, ban bam bad ban dih ha khmat jong u; bad u la pynbuaid ïa u: bad ynda miet u la leit thiah ha la ka jingthiah lem bad ki shakri u kynrad jong u, hynrei, um shym leit hiar sha la ïing.

2 SAMUEL 13:28

Te u Absalom u la hukum ïa la ki shakri, u da ong, “To khmih thuh te, haba ka dohnud u Amnon ka la kmen da ka Waiñ; bad haba ngan ong ïa phi, ‘To shoh ïa u Amnon’, hangta te to pynïap ïa u, wat sheptieng: balei, ngam shym hukum ïa phi? leh rangbah keiñ, bad to long kiba shlur ruh.”

PROBERB 23:20

Wat long hapdeng kiba kyrni dih Waiñ; hapdeng kiba bam lalot ïa ka doh.

PROBERB 31:4

Kam dei ïa ki syiem, ko Lemuel, kam dei ïa ki syiem ban dih Waiñ; lymne ïa ki myntri syiem ban ong, ‘Hangno ka kyiad?’

ISAÏAH 28:7

Hynrei, kine ruh ki la bakla da ka Waiñ, bad da ka 'iad rot ki la ïaid sakma; u lyngdoh bad u nongïathuhlypa ki la bakla da ka 'iad rot, la nguid tylli ïa ki da ka Waiñ, ki la ïaid sakma da ka 'iad rot; ki bakla ha ka jingithuhpaw, ki jynthut ha ka jingbishar.

ISAÏAH 5:11

Kordit ïa kita kiba khie dang step ban ïabeh ïa ka kyiad; kiba sah ha ban da miet, ha ban da ka Waiñ ka la pynshit ïa ki!

ISAÏAH 5:22

Kordit ïa kita kiba shait ban dih Waiñ, bad kiba khlaiñ ban pynïakhleh kyiad;

ISAÏAH 56:12

“Ïa,” ki ong, “ngan sa wallam Waiñ, bad ngin ïadih pynkdang da ka 'iad rot; lashai ruh kan long kum kane ka sngi, kaba pahuh pahai.”

HOSIA 4:11

Ka jingleh nuti bad ka Waiñ bad ka 'iad rot ki rong noh ïa ka dohnud.

HOSIA 7:5

Ha ka sngi u syiem jong ngi, ki rangbah ki la pynpang ïa lade da ka jingshit Waiñ; u la kner ïa la ka kti bad ki nongrkhiebeiñ.

LEBITIKOS 10:9

“Me, ïa ka Waiñ bad ïa ka kyiad wat dih, bad ki khun shynrang jong me ruh, haba phi rung sha Ka Tabernakl ka jingïaseng, ba phin ym ïap noh: kane kan long ka hukum ba-neh junom ïa phi pateng la pateng:

HABAKKUK 2:5

“Ruh putet, ka Waiñ ka long ka nongleh bashukor, u briew uba at meng, bad u bym sah ha la ïing; uba pynheh ïa la ka jingkwah kat ka dujok, bad u long kum ka jingïap, bad ban pynhun ïa u ym lah, hynrei, u lum lang ha u ïa ki jaid bynriew baroh, bad u kynton ha u ïa ki kynja bynriew baroh.

1 KORINTH 6:10

lymne kiba tuh, lymne kiba ikwah lalot, lymne kiba buaid, lymne kiba krenbeiñ, lymne kiba khwan tam eh, kin ym ïoh keiñ ïa ka hima U Blei.

GALATIA 5:21

ki jingbishni, ka jingbuaid, ki jingdih kyiad haw haw, bad kiba kum kita; shaphang kiba nga maham lypa ïa phi, kumba nga la maham mynshuwa, ba kita kiba ïai-leh kat kita kiei kiei kin ym ïoh ïa ka hima U Blei.

EPHESOS 5:18

Bad to wat long phi kiba buaid da ka Waiñ, ha kaba don ka jingkhynwin, hynrei, to long kiba la dap da U Mynsiem;