PROBERB 2:8 - KA BAIBL

⁸ ba un ïoh sumar ïa ki lynti ïaid ka jingbishar, bad ba un ri ïa ka lynti ki riewkhuid jong u.

Khasi CL Bible (BSI)

⁸ U ïada ïa kito kiba lehhok ïa kiwei pat, bad u ïada ïa kito kiba aiti ha u.

PROBERB 2:8 ပူးပေါင်းရင်းမြစ်များ

SALM 1:6

Naba U Trai u ithuh ïa ka lynti ki bahok: hynrei, ka lynti ki bymman kan duh noh.

SALM 145:20

U Trai u ri kyndong ïa kiba ieit ïa u baroh: hynrei, ïa ki bymman baroh un pynjot noh.

SALM 23:3

U pynphai pat ïa ka mynsiem jong nga: u ïalam ïa nga ha ki lynti ka hok na ka bynta ka kyrteng jong u.

SALM 37:28

Naba U Trai u ieit ïa ka jingbishar, bad um iehnoh noh ïa ki riewkhuid jong u; la ri pynim ïa ki ha la ka rta: hynrei, ïa u symbai jong u bymman yn ot noh.

SALM 37:31

Ka hukum U Blei jong u ka ha ka dohnud jong u; ki jingjam jong u kin ym tyrsiang satia.

SALM 66:9

uba pynsah ha ka jingim ïa ka mynsiem jong ngi, bad u bymshah ban pynkhih ïa ki kjat jong ngi.

SALM 97:10

A phi kiba ieit ïa U Trai, to shun ïa ka jingsniew; u ri khop ïa ki mynsiem ki riewkhuid jong u; u pyllait ïa ki na ka kti ki bymman.

PROBERB 8:20

Nga ïaid ha ka lynti ka hok, hapdeng ki lynti ïaid ka jingbishar:

ISAÏAH 35:9

Yn ym don u sing hangta, lymne u mrad balalot un ym leit kiew hangta, yn ym shem ïa ki hangta; hynrei, kiba la siewspah kin ïaid hangta:

DEUTERONOMI 33:3

Shisha, u la ieit ïa uta u paidlang; ki riewkhuid jong u baroh ki don ha ka kti jong me: ki la ïashong dem ha ki kjat jong me: uwei uwei baroh un pdiang na ki ktien jong me.

1 PETROS 1:5

ïa kiba la sumar da ka bor U Blei da ka jingngeit khnang ïa ka jingpynim, ïa kaba la khreh ban pynpaw ha ka Ïa ka bakhatduh.

JUDAH 1:24

Te ha uta uba lah ban ri kyndong ïa phi ba khlem jynthut, bad ban pynïeng ïa phi ba khlem pop ha khmat ka burom jong u ha ka jingkmen bakhraw eh,

1 SAMUEL 2:9

“Un sumar ïa ki sla'jat ki riewkhuid jong u, hynrei, ïa u bymman un pynsngap noh jar ha ka jingdum; namar un ym jop uno uno u briew da ka bor.