PROBERB 2:7 - KA BAIBL

⁷ U tyngkai ïa ka jingstad kaba shisha ïa kiba beit, u long ka stieh ïa kita kiba ïaid ha ka jingsngur;

Khasi CL Bible (BSI)

⁷ U ai jingïarap bad jingïada ïa kiba hok, ki briew kiba im hok.

PROBERB 2:7 ပူးပေါင်းရင်းမြစ်များ

Ka Kitab U Job 28:8

ki mrad khlaw basarong kim shym ïuh ïa ka, lymne u sing uba dom um shym ïaid na ka.

SALM 144:2

ka jingleh isynei jong nga, bad ka jaka ïada jong nga, ka kut bajrong jong nga, bad u nongpynim jong nga; ka stieh jong nga, bad uta uba nga shaniah ha u; uba pyndem ïa ki briew jong nga hapoh jong nga.

SALM 3:4

Nga kyang ha U Trai da la ka ktien, u te u pynphai ktien ïa nga na u lum bakyntang jong u. Selah

SALM 84:11

Naba U Trai U Blei u long ka sngi bad ka stieh: U Trai un ai ka jingaiei bad ka burom: ïa kaei kaei ka jingbha un ym khang na kita kiba ïaid beit.

PROBERB 14:8

Ka jingstad jong u basian ka long ban sngewthuh ïa la ka lynti: hynrei, ka jingbieit jong ki babieit ka long ka jingshukor.

PROBERB 28:18

Jar uba ïaid beit yn pynim ïa u: hynrei, uta uba mutlop ha la ki lynti un hap shisyndon.

PROBERB 30:5

“Ka ktien baroh ka jong U Blei ka long ba la pynphrang: u long ka stieh ha kita kiba shaniah ha u.

PROBERB 8:14

Ka jingpyrkhat ka jong nga, bad ka jingtip kaba shisha: nga long ka jingshemphang; nga, nga don ka bor.

1 KORINTH 1:19

Namar la thoh: “Ngan pynduh noh ïa ka jingstad jong ki bastad, bad ïa ka jingshemphang jong ki bashemphang ngan kyntait noh.”

1 KORINTH 1:24

hynrei, ha kita ïa kiba la khot, ki Jiw bad ki Grik ruh, ngi ïalap ïa U Khrist uba ka bor U Blei, bad ka jingstad U Blei.

1 KORINTH 1:30

Te da u hi, phi, phi long ha U Khrist Jisu, ïa uba da U Blei la pynlong ha ngi ka jingstad, bad ka hok, bad ka jingpynkhuid, bad ka jingsiewspah;

KOLOSSAI 2:3

ha uba la buhrieh ïa ki jingkynshew baroh jong ka jingstad bad ka jingtip.