PROBERB 2:6 - KA BAIBL

⁶ Naba U Trai u ai ka jingstad; na ka shyntur jong u ki mih ka jingtip bad ka jingshemphang:

Khasi CL Bible (BSI)

⁶ Dei U Trai uba ai ïa ka jingstad; na u ka wan ka jingtip bad ka jingshemphang.

PROBERB 2:6 ပူးပေါင်းရင်းမြစ်များ

1 SYIEM 10:24

Bad baroh ka pyrthei ka la wad ïa ka khmat u Solomon, ban ïohsngew ïa ka jingstad jong u, kaba U Blei u la buh ha ka dohnud jong u.

1 SYIEM 3:12

ha khmih, nga la leh katba kum ka ktien jong me: ha khmih, nga la ai ha me ka dohnud bastad bad bashemphang; kumta, ba ym shym la don uwei uba kum me mynshuwa jong me, lymne hadien jong me un ym mih uba kum me.

1 SYIEM 3:9

To ai ha la u shakri, namar kata, ka dohnud ba sngewthuh ban bishar ïa u paidbah jong me, ba nga lah ban ithuh ïa ka babha bad ka basniew; naba uei uba lah ban bishar kat une u paidbah u bakhraw jong me?”

1 SYIEM 4:29

Bad U Blei u la ai ïa u Solomon ka jingstad bad ka jingshemphang shikatdei eh, bad ka jingkhraw ka dohnud, kum u shyiap uba harud duriaw.

1 KHRONIKL 22:12

Tangba U Trai un ai ïa me ka jingsian bad ka jingsngewthuh, bad ba un ai ha me ka hukum shaphang ki Israel; ba kumta, men ïoh sumar ïa ka hukum U Trai U Blei jong me.

ESRA 7:25

“Bad me, u Esra, katba kum ka jingstad U Blei jong me kaba don ha ka kti jong me, to thung ïa ki majistor bad ïa ki nongbishar, ki ban bishar ïa u paidlang baroh uba don sha shiliang ka wah, baroh kat kiba nang ïa ki hukum U Blei jong me; bad to hikai ïa uta u bymnang ïa ki.

NEHEMAÏAH 7:5

Bad U Blei jong nga u la buh ha ka dohnud jong nga ban ïalum lang ïa ki bakhraw batri, bad ïa ki nongsynshar, bad ïa u paidbah, ba yn kheiñ ïa ki katba kum ka jingkha pateng jong ki. Bad nga la shem ïa ka kitab ka jingkha pateng jong kita kiba la wan kiew ha kaba nyngkong, bad nga la shem ba la thoh ha ka.

Ka Kitab U Job 12:13

“Ha u keiñ, ka don ka jingstad bad ka bor: u don ka jingpyrkhat bad ka jingshemphang.

Ka Kitab U Job 12:16

Ha u keiñ, ki don ka bor bad ka jingtrei ba long kam; uta ïa uba la shukor bad u nongshukor ki long ki jong u.

Ka Kitab U Job 22:22

Nga kyrpad ïa me, to pdiang ïa ka hukum na ka shyntur jong u, bad to thep ïa ki ktien jong u ha ka dohnud jong me.

Ka Kitab U Job 32:8

Hynrei, ka mynsiem ka don ha u briew, bad ka jingpyrsad mynsiem U Badonbor Baroh ka pynshemphang ïa ki.

SALM 119:104

Da ki hukum jong me nga ïoh ka jingshemphang: namar kata, nga isih ïa ka lynti kaba lamler baroh.

SALM 119:34

To ai ka jingshemphang ïa nga, te ngan rakhe ïa ka aiñ jong me; ho-oid ngan sumar ïa ka da la ka dohnud baroh.

SALM 119:98

Ki hukum jong me ki pynlong kham stad ïa nga ban ïa ki nongshun jong nga; naba ki ïadon bad nga ha la ka sngi.

SALM 19:7

Ka aiñ U Trai ka long kaba janai, kaba pynbha pat ïa ka mynsiem: ka jingphla U Trai ka long kaba skhem, kaba pynstad ïa uba shida.

SALM 19:8

Ki hukum U Trai ki long kiba dei, kiba pynkmen ïa ka dohnud: ka hukum U Trai ka long kaba sngur, kaba pynshai ïa ki khmat.

SALM 51:6

Ha khmih, me kwah ïa ka jingshisha ha kaba shapoh; bad ha ka bynta kaba rieh men pynlong ba ngan tip ïa ka jingstad.

SALM 94:10

Uta uba sneng sympat ïa ki jaid bynriew, un ym pynbeit, uta keiñ uba hikai ïa u briew ha ka jingtip?

EKSODOS 31:3

bad nga la pyndap ïa u da U Mynsiem U Blei, ha ka jingstad, bad ha ka jingshemphang, bad ha ka jingtip, bad ha ki kynja jingtrei baroh,

PROBERB 6:23

Namar kata ka hukum ka long ka sharak; bad kata ka aiñ ka long ka jingshai; bad ki jingsneng ka jinghikai ki long ka lynti ka jingim:

EKLESIASTIS 2:26

Namar ïa u briew uba pynsngewbha ïa u, U Blei u ai ka jingstad, bad ka jingtip, bad ka jingkmen: hynrei, ha u nongpop, u ai ka jingshitom, ban lum bad ban kynton, ba un ai ha uta uba pynsngewbha ïa U Blei. Kane ruh ka long kaba thala bad kaba beh ïa ka lyer.

ISAÏAH 54:13

Bad ki khun jong pha baroh kin ïoh hikai na U Trai; bad kan long ka bakhraw ka jingsuk ki khun jong pha.

ISAÏAH 8:20

Ïa, sha ka hukum bad sha ka jingphla! Lada kim kren kat kane ka ktien, shisha ka jingmih ka sngi kan ym don ïa ki.

DANIEL 1:17

Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 2:23

Nga nguh ïa me, bad nga ïaroh ïa me, A me U Blei ki kpa jong nga, uba la ai ha nga ka jingstad bad ka bor, bad uba la pyntip ha nga mynta ïa kaba ngi la pan na me: namar me la pyntip ha ngi ïa kane ka kam u syiem.”

LOUKAS 21:15

naba ngan ai ha phi ka shyntur bad ka jingstad, ïa kaba ki nongïaleh jong phi baroh keiñ kin ym lah ban ïasei nia kylliang, lane ban ïasaid kylliang.

ÏOANNIS 6:45

La thoh ha Ki Nongïathuhlypa: ‘Baroh ruh kin ïalong ïa kiba la ïoh hikai na U Blei.’ U briew baroh uba la ïohsngew na U Kpa, bad uba la ïoh nang, u wan ha nga.

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.