PROBERB 2:4 - KA BAIBL

⁴ lada me wad ïa ka kum ïa ka rupa, bad wad bniah ïa ka kum ïa ki spah ba la buhrieh;

Khasi CL Bible (BSI)

⁴ Wad ïa ka kumba phi wad ïa ka rupa lane ïa kano kano ka spah ba la buhrieh.

PROBERB 2:4 ပူးပေါင်းရင်းမြစ်များ

JENESIS 26:32

Ka la jia ruh ha kata kajuh ka sngi, ba ki shakri u Isaak ki la wan ïathuh ha u shaphang ka pukri ïa kaba ki la lah ïatih, bad ki la ong ruh ha u, “Ngi la shem ïa ka um.”

Ka Kitab U Job 3:21

kiba ap khmih ïa ka jingïap, hynrei kam wan; kiba kham tih ban ïoh ïa ka ban ïa ban ïoh ki spah ba la buhrieh;

SALM 119:127

Namar kata, nga ieit ïa ki hukum jong me tam ïa ka ksiar, wat, tam ïa ka ksiar ba la phrang.

SALM 119:14

Nga la shadkmen ha ka lynti ki jingphla jong me, kat ha ki spah baroh.

SALM 119:72

Ka aiñ ka shyntur jong me ka kham bha ïa nga ban ïa ki hajar ka ksiar bad ka rupa.

SALM 19:10

Ki long ki ban kham ikwah ïa ki ban ïa ka ksiar, shisha keiñ, ban ïa shibun ka ksiar banylla: ki kham thiang ruh ban ïa ka ngap, bad ïa ka jingjaw ka rewngap.

PROBERB 16:16

Katno ka kham bha ban ïoh ïa ka jingstad ban ïa ka ksiar! bad kaba ïoh ïa ka jingshemphang ka kham dei ban jied ban ïa ka rupa.

PROBERB 2:3

bad lada me ïam ïawad ïa ka jingsngewthuh bad pynjam ïa la ka ktien ban ïoh ka jingshemphang;

PROBERB 23:23

To thied ïa ka jingshisha, bad wat die ïa ka; ïa ka jingstad ruh, bad ïa ka jinghikai, bad ïa ka jingshemphang.

PROBERB 4:7

Ka jingstad ka long kaba kongsan; to ïoh te ïa ka jingstad: bad da kiei kiei baroh kiba me don to ïoh ïa ka jingshemphang.

PROBERB 8:17

Nga ieit ïa kita kiba ieit ïa nga; bad kita kiba wad biang biang ïa nga kin shem ïa nga.

EKLESIASTIS 4:8

Don uwei uba tang marwei, bad um don uwei pat; shisha, um don lymne khun lymne para; pynban, ym don ka bakut ïa ka jingtrei jong u baroh, lymne ym shym la pynhun ïa ki khmat jong u da ki spah. “Ïano te,” u ong, “nga trei shitom, bad nga pynduh ïa ka babha na la ka mynsiem?” Kane ruh ka long kaba thala, shisha, ka long ka jingshitom sat.

MATHAÏOS 13:44

“Pat, ka hima ki bneng ka long kum ka jingkynshew ïa kaba la buhrieh ha ka lyngkha, ïa kaba u briew u la shem, bad u la buhrieh; te na kaba kmen u leit noh, bad u die noh ïa kiei kiei baroh katba u don, bad u thied ïa kata ka lyngkha.

MATHAÏOS 19:29

Uno uno baroh ruh uba la iehnoh ïa ki ïing, lane ïa ki hynmen hynbew shynrang ne kynthei, lane ïa u kpa lane ïa ka kmie, lane ïa ka tnga lane ïa ki khun, lane ïa ki bri, na ka bynta ka kyrteng jong nga, un ïoh shispah shah ïa kata, bad un ïoh ka jingim bymjukut ruh.

LOUKAS 16:8

Te u kynrad jong u, u la ïaroh ïa uta u sordar bymhok, namar ba u la leh sian; naba ki khun jong kane ka pyrthei ki kham sian ha la ka pateng bynriew hi, ban ïa ki khun ka jingshai.