PROBERB 2:22 - KA BAIBL

²² Hynrei, ïa ki bymman yn ot noh na ka ri, bad ïa kita kiba leh shukor yn rat noh na ka.

Khasi CL Bible (BSI)

²² Hynrei U Blei un beh noh ïa ki riewbymman na ka ri, bad rat dyngkhong ïa ki nongpop na ka kum ïa ki jingthung na ka khyndew.

PROBERB 2:22 ပူးပေါင်းရင်းမြစ်များ

1 SYIEM 14:14

Nalor kata, U Trai ruh un pynmih ïa u syiem halor ki Israel, u ban pynduh noh ïa ka ïing u Jeroboam ha kata ka sngi: te kumno pat? mynta keiñ.

1 KHRONIKL 10:13

Kumta, u Saul u la ïap namar ka jingpalat jong u kaba u la leh ïa U Trai, na ka bynta kata ka ktien jong U Trai, kaba um shym la sumar; bad namar ba u la ïakylli jingpyrkhat ruh na kawei ka nongkren byrtong, ban ïakylli na ka,

Ka Kitab U Job 21:30

Ba la tyngkai ïa u riewbymman hamar ka sngi ka jingjynjar? Ba yn pynmih noh ïa ki ha ka sngi ka jingbitar?

SALM 104:35

Ai ban pynduh noh ïa ki bapop na ka khyndew, bad wat ai ba kin long shuh ki bymman. Ko mynsiem jong nga, to kyrkhu ïa U Trai. To ïaroh ïa U Trai.

SALM 145:20

U Trai u ri kyndong ïa kiba ieit ïa u baroh: hynrei, ïa ki bymman baroh un pynjot noh.

SALM 37:20

Hynrei, ki bymman kin ïap noh, bad ki nongshun U Trai kin long kum ka babha tam na ki jaka phlang: kin dam noh; ha ka tdem kin dam noh.

SALM 37:22

Namar kat kiba u kyrkhu kin ïoh kynti ïa ka ri; bad ïa kita kiba u tim yn pynïap noh.

SALM 37:28

Naba U Trai u ieit ïa ka jingbishar, bad um iehnoh noh ïa ki riewkhuid jong u; la ri pynim ïa ki ha la ka rta: hynrei, ïa u symbai jong u bymman yn ot noh.

SALM 52:5

U Blei un pynjot kumjuh ïa me junom, un shim ïa me, bad un rat noh ïa me na la ka ïingjaiñ, bad un rat noh ïa me na ka ri ki ba-im. Selah.

SALM 52:7

“Ha khmih, une u long uta u briew u bym shym la pynlong ïa U Blei ban long ka bor jong u; hynrei, u la shaniah ha ka jingkynrei ki spah jong u, bad u la pynkhlaiñ ïa lade ha la ka jingbymman.”

PROBERB 10:30

Ïa u bahok yn ym pynkhih lano lano ruh: hynrei, u bymman un ym ïoh shong ha ka ri.

PROBERB 11:3

Ka jinghok jong kiba beit kan ïalam ïa ki: hynrei, ka jingmutlop jong kiba shetkylla kan pynjot ïa ki.

DEUTERONOMI 29:20

U Trai un ym riej ïa u, hynrei, te ka jingbitar U Trai bad ka jingsngewthut rhem jong u kin mih tdem pyrshah ïa uta u briew, bad kita ki jingtim baroh ïa kiba la thoh ha kane ka kitab kin ïaisah halor jong u, bad U Trai un pyndam noh ïa ka kyrteng jong u napoh ka bneng.

DEUTERONOMI 29:28

bad U Trai u la rat noh ïa ki na ka ri jong ki ha ka jingbitar, bad ha ka jingshla lep, bad ha ka jingsngewsih bakhraw, bad u la bred ruh ïa ki sha kawei pat ka ri, kumba ka long ha kane ka sngi.’

DEUTERONOMI 7:22

Te U Trai uba U Blei jong me un beh noh ïa kita ki jaid bynriew na khmat jong me khyndiat pa khyndiat: mem lah ban pynduh noh ïa ki shisyndon, ba ïoh ki mrad khlaw ki ïaroi kham bun ïa me.