PROBERB 19:8 - KA BAIBL

⁸ Uba ïoh ïa ka jingstad u ieit ïa la ka jong ka mynsiem: uta uba bat ïa ka jingshemphang un shem ïa ka babha.

Khasi CL Bible (BSI)

⁸ Lehbha ïa lade bad wad jinghikai kat kaba phi lah; nangta kynmaw ïa kaei kaba phi ïoh jinghikai bad phin manbha.

PROBERB 19:8 ပူးပေါင်းရင်းမြစ်များ

SALM 19:11

Ruh putet ha ki la maham ïa u shakri jong me: ha kaba sumar ïa ki ka don ka nong ka bakhraw.

PROBERB 16:20

Uta uba pynshahshkor ïa ka ktien un shem ïa ka babha: bad jar uba shaniah ha U Trai, suk uta keiñ.

PROBERB 17:16

Balei ba ka dor ka don ha ka kti u babieit ban thied ïa ka jingstad, haba um don ka jingshemphang?

PROBERB 19:9

U nongsakhi lamler un ym lait na ka jingpynshitom; bad uba kren ïa ki jinglamler un ïap noh.

PROBERB 22:18

Naba ka long kaba sngewbha lada me sumar ïa ki hapoh jong me, lada pynskhem lang ïa ki ha ki rmiang shyntur jong me.

PROBERB 3:18

Ka long u dieng ka jingim ïa kita kiba shim bat ïa ka: bad suk uwei uwei baroh uba bat ri ïa ka.

PROBERB 3:21

Ko khun, wat ai ba kin leit noh na ki khmat jong me; to bat ïa ka jingstad kaba shisha bad ka jingsian;

PROBERB 3:22

kumta, kin long ka jingim ïa ka mynsiem jong me, bad ka jingitynnad ïa ka ryndang jong me.

PROBERB 4:21

Wat ai ba kin leit noh na ki khmat jong me; to sumar ïa ki hapdeng la ka dohnud.

PROBERB 4:4

Te u la hikai ïa nga, bad u la ong ha nga, “To ka dohnud jong me kan bat ïa ki ktien jong nga; sumar ïa ki hukum jong nga, bad to im:

PROBERB 4:6

Wat iehnoh noh ïa ka, te kan ri khop ïa me; to ieit ïa ka, te kan sumar ïa me.

ESEKIEL 36:26

Ngan ai ruh ka dohnud thymmai ha phi, bad ka mynsiem thymmai de ngan buh hapoh jong phi: bad ngan khlaw ïa ka dohnud maw na ka doh jong phi, bad ngan ai ka dohnud doh ha phi.

ÏOANNIS 12:25

Uta uba ieit ïa la ka jingim, un duh noh ïa ka; uta uba isih te ïa la ka jingim ha kane ka pyrthei, un ri pynim ïa ka sha ka jingim bymjukut.

ÏOANNIS 14:21

Uta uba don ki hukum jong nga, bad ba sumar ïa ki, uta u long uba ieit ïa nga; uta uba ieit te ïa nga, yn ieit ïa u da uta U Kpa jong nga; nga ruh ngan ieit ïa u, bad ngan pynpaw ïa lade ha u.”

1 PETROS 3:10

Namar, “Jar uba mon ban ieit ïa ka jingim, bad ban ïohi ïa ki sngi babha, to un khang noh ïa u thylliej jong u na ka basniew, bad ïa ki rmiang shyntur jong u na ka ban kren ïa kaba shukor: