PROBERB 19:6 - KA BAIBL

⁶ Shibun ki ban kyrpad ïa ka jingisynei jong uba ai kylluid: bad u briew baroh u long u lok jong uba ju ai sngewbha.

Khasi CL Bible (BSI)

⁶ Baroh ki pyrshang ban shem sngewbha bad ki briew kiba khraw; baroh ki kob ïa ka jingïadei paralok bad kito kiba lah ban pynsngewbha.

PROBERB 19:6 ပူးပေါင်းရင်းမြစ်များ

JENESIS 32:20

Phin ong ruh putet, ‘Ha khmih, u Jakob u shakri jong me u don hadien jong ngi.’ ” Naba u la ong, “Ngan pynïasuk ïa u da kata ka jingai burom kaba leit sha shuwa jong nga; bad hadien kata, ngan da khmih ïa ka khmat jong u; lehse u ruh un pdiang sngewbha ïa ka khmat jong nga.”

JENESIS 42:6

Bad u Joseph u la long u nongsynshar halor kata ka ri, bad u la long ma u keiñ uba la die ha ki briew baroh jong kata ka ri; bad ki hynmen u Joseph ki la ïawan, bad ki la ïanguh ngon ïa u da la ki khmat haduh ka khyndew.

JENESIS 43:15

Bad kita ki briew ki la shim ïa kata ka jingai, bad ki la shim ïa ki sbai ar shah ha la ka kti, bad ïa u Benjamin de; bad ki la ïamih noh, bad ki la ïaleit hiar sha ka ri Ijipt, bad ki la ïeng ruh ha khmat u Joseph.

SALM 45:12

Bad ka khun ka Tyros kan don hangta bad ka jingai sngewbha; ki bariewspah ruh hapdeng u paidbah kin kyrpad ïa ka jingsngewbha jong pha.

PROBERB 16:15

Ha ka jingshai ka khmat u syiem ka don ka jingim; bad ka jingsngewbha jong u ka long kum u lyoh u slap bakhatduh.

PROBERB 17:8

Ka jingai sngewbha ka long kum u mawkordor ha khmat uta uba don ïa ka: kat sha kaba ka phai, ka man bha.

PROBERB 18:16

Ka jingai sngewbha u briew ka pynkylluid jaka ïa u, bad ka wallam ïa u ha khmat ki briew ki bakhraw.

PROBERB 19:12

Ka jingbitar u syiem ka long kum ka jingkyrhuh u sing; hynrei, ka jingsngewbha jong u kum ka umjer halor u phlang.

PROBERB 21:14

Ka jingai ha kaba rieh ka pynjem ïa ka jingbitar, bad ka jingai sngewbha ha ka shadem ïa ka jingbitar kaba jur.

PROBERB 29:26

Shibun kiba wad ïa ka jingsngewbha u nongsynshar: hynrei, ka jingbishar u briew ka wan na U Trai.

MATHAÏOS 2:11

Haba ki la ïawan ruh ha ka ïing, ki la ïohi ïa uta u khunlung lem bad ka Mari ka kmie jong u; haba ki la ïadem ki la ïamane ruh ïa u; bad haba ki la ïalaw ïa ki jingsong jong ki, ki la ïatyrwa ai ki jingai ha u, ïa ka ksiar, bad ïa ka jingiwbih, bad ïa ka mirr de.

Ka Shithi U Paul Sha Ki Nong Rom 6:23

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.