PROBERB 19:3 - KA BAIBL

³ Ka jingbieit u briew ka pynbakla ïa ka lynti jong u; bad ka dohnud jong u ka bitar ïa U Trai.

Khasi CL Bible (BSI)

³ Don ki briew kiba pynjot ïa lade da ki kam ba-mutlop jong ki hi bad nangta ki kynnoh ïa U Trai.

PROBERB 19:3 ပူးပေါင်းရင်းမြစ်များ

2 SYIEM 6:33

Te katba u dang kren bad ki, ha khmih, uta u nonglam-ktien u la wan hiar ha u: u la ong te, “Ha khmih, kane ka basniew ka long na U Trai; balei ba ngan dang ap shuh ïa U Trai?”

Ka Kitab U Job 15:13

Ba me phai la ka mynsiem pyrshah ïa U Blei, bad ba me shah ban mih kiba kum kita ki ktien na la ka shyntur.

SALM 37:1

Wat pynkhuslai ïa lade namar ki nongleh sniew, lymne wat bishni ïa kita kiba leh bymhok.

SALM 37:7

To shongthait ha U Trai, bad ap shah slem ïa u: wat pynkhuslai ïa lade namar uta uba man bha ha la ka lynti, bad namar uta u briew uba pyndep ïa ki jingpyrkhat bymman.

PROBERB 11:3

Ka jinghok jong kiba beit kan ïalam ïa ki: hynrei, ka jingmutlop jong kiba shetkylla kan pynjot ïa ki.

ISAÏAH 32:6

Namar u riewpoh un kren runar, bad ka dohnud jong u kan trei jingbymhok, ban leh sang, bad ban kren ïa ka jingbakla ïa U Trai, ban pynsuda ïa ka mynsiem u bathngan, bad ban pynduh noh ïa ka jingdih u basliang.

SNGEWSYNEI 3:39

Namar balei ba u briew u ba-im u khñium, u briew keiñ, namar ka jingpynshitom ki pop jong u?

ESEKIEL 18:25

“Hynrei, phi, phi ong, ‘Ka lynti U Trai ka bym ïadei.’ To sngew te, ko ka ïing Israel: ‘Hato ka lynti jong nga kam long kaba ïadei? Hato ym dei ki lynti jong phi kiba long ki bym ïadei?’

1 SAMUEL 13:13

Te u Samuel u la ong ha u Saul, “Me la leh bieit: mem shym la sumar ïa ka hukum U Trai uba U Blei jong me, ïa kaba u la hukum ïa me: namar U Trai toi un da pynskhem mynta ïa ka jinglong syiem jong me halor ki Israel junom.

1 SAMUEL 15:23

Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”