PROBERB 19:2 - KA BAIBL

² Ruh, ba ka mynsiem ka long khlem jingtip kam long ka babha; bad uba pynkloi da la ki kjat u leh pop.

Khasi CL Bible (BSI)

² Ka jingshitrhem khlem ka jingtip kam long kaba bha; ka jingbymïaishah kan pynïoh ha phi ïa ka jingjynjar.

PROBERB 19:2 ပူးပေါင်းရင်းမြစ်များ

2 SYIEM 4:39

Te uwei u la leit sha lum ban kheit jhur, bad u la shem uwei u dieng Waiñ khlaw, bad u la kheit na u ki jyrmi khlaw shi kynthup, bad ynda u la poi, u la dkhat ïa ki ha uta u khiew syrwa: naba kim ithuh ïa ki.

Ka Kitab U Job 31:5

“Lada nga la ïaid lem bad ka jingthala, bad ba ka kjat jong nga ka la pynkloi sha ka jingshukor;

PROBERB 1:16

naba ki kjat jong ki, ki phet sha ka basniew, bad ki ïapynkloi noh ban pynmih snam.

PROBERB 10:21

Ki rmiang shyntur jong u bahok ki bsa ïa kiba bun: hynrei u babieit u ïap namar ba kyrduh jingshemphang.

PROBERB 14:29

Uta uba tud ban bitar u don ka jingshemphang kaba khraw: hynrei, uta uba jyndong la ka mynsiem u kyntiew ïa ka jingbieit.

PROBERB 21:5

Ki jingmut jong uba minot ki lam tang sha ka jingkyrhai: hynrei, uwei uwei baroh uba kyrkieh u kyrkieh tang sha ka jingkyrduh.

PROBERB 25:8

Wat leit mih kyrkieh ban ïaleh, ïoh ba mem tip kumno ban leh ha ka bakut jong ka, haba u paramarjan jong me u la pynlehrain ïa me.

PROBERB 28:20

U briew uba lah ban shaniah un kyrhai ki jingkyrkhu: hynrei, uta uba pynkyrkieh ban riewspah un ym lait na ka jingpynshitom.

PROBERB 28:22

U briew u basniew ka khmat u beh kyrkieh ïa ka spah, bad um tip ba ka jingkyrduh kan wan lap ïa u.

PROBERB 29:20

Me ïohi ïa u briew uba kyrkieh ha la ki ktien? kham kyrmen ïa u babieit ban kum ïa uta.

EKLESIASTIS 12:9

Bad nalor kane, namar ba u Nongïathuhkhana u la long u bastad, u la ïaihikai ïa ka jingstad ha u paidbah; shisha, u la puson, bad u la wad noh, bad u la buh ryntih bun ki proberb.

EKLESIASTIS 7:9

Wat long uba shait bitar ha ka mynsiem jong me: namar ka jingbitar ka shong sah ha ka shadem ki babieit.

ISAÏAH 27:11

Haba ki tnat jong ka ki la ïapstai, yn kdiah noh ïa ki; ki kynthei kin wan, bad kin thang ding ïa ki: namar u long u paidlang ba khlem sngewthuh; namar kata, uta uba la pynlong ïa ki un ym isynei ïa ki, uta ruh uba la thaw ïa ki un ym pyni jingieit ïa ki.

ISAÏAH 28:16

namar kata, kumne u ong U Trai U Blei, “Ha khmih, nga buh nongrim ha Seïon, ïa u maw, u maw ba la tynjuh, u mawdong bakordor jong ka nongrim baskhem: ‘Uta uba ngeit un ym pynkyrkieh.’

HOSIA 4:6

Ïa u paidlang jong nga la pynjot namar bymdon jingtip; namar ba me la kyntait ïa ka jingtip, nga ruh ngan kyntait ïa me, ba men ym long lyngdoh satia ha nga: naba me la klet ïa ka hukum U Blei jong me, nga ruh ngan klet ïa ki khun jong me.

ÏOANNIS 16:3

Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga.

Ka Shithi U Paul Sha Ki Nong Rom 10:2

Namar nga phla shaphang jong ki, ba ki don ka jingsngew-shitrhem na ka bynta U Blei, hynrei, ym katba kum ka jingtip.

PHILIPPI 1:9

Te ïa kane nga duwai, ba ka jingieit jong phi kan nang ïoh roi kyrhai shuh shuh ha ka jingtip bad ha ka jingshemphang baroh;