PROBERB 18:16 - KA BAIBL

¹⁶ Ka jingai sngewbha u briew ka pynkylluid jaka ïa u, bad ka wallam ïa u ha khmat ki briew ki bakhraw.

Khasi CL Bible (BSI)

¹⁶ Hato phi kwah ban ïakynduh ïa u briew uba khraw? Rah sha u ka jingai sngewbha bad kan pynsuk ïa phi.

PROBERB 18:16 ပူးပေါင်းရင်းမြစ်များ

JENESIS 32:20

Phin ong ruh putet, ‘Ha khmih, u Jakob u shakri jong me u don hadien jong ngi.’ ” Naba u la ong, “Ngan pynïasuk ïa u da kata ka jingai burom kaba leit sha shuwa jong nga; bad hadien kata, ngan da khmih ïa ka khmat jong u; lehse u ruh un pdiang sngewbha ïa ka khmat jong nga.”

JENESIS 33:10

Bad u Jakob u la ong, “Em, nga kyrpad ïa me, lada shisha nga la shem ïa ka jingsngewbha ha khmat jong me mynta, to pdiang te ïa ka jingai sngewbha jong nga na ka kti jong nga: naba na kaba nga ïohi ïa ka khmat jong me, ka long kumba nga la ïohi ïa ka khmat U Blei hi, haba me la sngewbha bad nga.

JENESIS 43:11

Ynda kumta, u Israel u kpa jong ki u la ïathuh ha ki, “Lada ka dei ban long kumta te, to leh ïa kane; to shim na kiei kiei ruh ki babha tam jong kane ka ri ha ki jingdiang jong phi, bad to ïaleit lam arsut sha uta u briew da ka jingai sngewbha, ïa khyndiat ka umkseh baiwbih bakordor, bad khyndiat ka ngap, ïa ki masla, bad ïa ka mirr, ïa ki kwai, bad ki soh Khyllam.

2 SYIEM 5:5

Te u syiem ka Syria u la ong, “Khie, to leit, bad ngan phah da ka shithi ha u syiem ki Israel.” Kumta, u la leit, bad u la shim bad u, shiphew ki talent rupa, bad hynriew hajar shekel ka ksiar, bad shiphew riam ki jaiñkup jaiñsem.

PROBERB 17:8

Ka jingai sngewbha ka long kum u mawkordor ha khmat uta uba don ïa ka: kat sha kaba ka phai, ka man bha.

PROBERB 18:17

Uta uba ïasaid shuwa ïa la ka kam, u imat hok; hynrei, u paramarjan jong u, u wan bad u khmih ïit ïa u.

PROBERB 19:6

Shibun ki ban kyrpad ïa ka jingisynei jong uba ai kylluid: bad u briew baroh u long u lok jong uba ju ai sngewbha.

PROBERB 21:14

Ka jingai ha kaba rieh ka pynjem ïa ka jingbitar, bad ka jingai sngewbha ha ka shadem ïa ka jingbitar kaba jur.

1 SAMUEL 16:20

Te u Jesse u la shim shi khung u kpu, bad shi lywa ka Waiñ bad u khun blang, bad u la phah ïa ki ha u Dabid u khun jong u, sha u Saul.

1 SAMUEL 25:27

Te mynta kane ka jingai sngewbha kaba ka shakri jong me ka la wallam ïa u kynrad jong nga, to kan long ka jong kine ki samla kiba bud ïa u kynrad jong nga.