PROBERB 18:10 - KA BAIBL

¹⁰ Ka kyrteng U Trai ka long ka kut baskhem: u bahok u phet sha ka, bad u skhem.

Khasi CL Bible (BSI)

¹⁰ U Trai u long kum ka kut baskhem, sha kaba kiba hok ki lah ban leit bad sngewshngain.

PROBERB 18:10 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

JENESIS 32:11

To pyllait im ïa nga mynta, nga kyrpad ïa me, na ka kti u hynmen jong nga, na ka kti u Iso: naba nga sheptieng ïa u, ba ïoh un wan bad shoh ïap ïa nga, ïa ka kmie ruh lem bad ki khun.

2 SAMUEL 22:2

bad u la ong, “U Trai u long u mawsiang jong nga, bad ka kut jong nga, bad u nongpynim jong nga, u jong nga keiñ;

2 SAMUEL 22:3

U Blei uba u mawsiang jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga, bad ka jaka rieh jong nga; u nongpynim jong nga, me pynim ïa nga na ka jingleh-jubor.

2 SAMUEL 22:51

Ïa ka jingpynim kaba khraw u ai ha u syiem jong u: bad u leh isynei ïa uta uba la sleh jong u, ïa u Dabid keiñ, bad ïa u symbai jong u junom.”

SALM 144:2

ka jingleh isynei jong nga, bad ka jaka ïada jong nga, ka kut bajrong jong nga, bad u nongpynim jong nga; ka stieh jong nga, bad uta uba nga shaniah ha u; uba pyndem ïa ki briew jong nga hapoh jong nga.

SALM 18:2

U Trai u long u mawsiang jong nga, bad ka kut jong nga, bad u nongpyllait jong nga; U Blei jong nga, u mawsiang baskhem jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga.

SALM 20:2

To un phah ka jingïarap ha me na ka jaka kyntang, bad un pynkhlaiñ ïa me na ka Seïon;

SALM 27:1

U Trai u long ka jingshai jong nga bad ka jingpynim jong nga; ïano ngan sheptieng? U Trai u long ka bor ka jingim jong nga; ïano ngan khaw-eit?

SALM 91:14

Namar ba u la buh ïa la ka jingieit ha nga, namar kata, ngan pynim ïa u: ngan kyntiew sha jrong ïa u, namar ba u la ithuh ïa ka kyrteng jong nga.

SALM 91:2

Ngan ong shaphang U Trai, “U long ka jaka rieh jong nga bad ka kut jong nga; U Blei jong nga, ha uba nga shaniah.”

EKSODOS 6:3

Te ha u Abraham, ha u Isaak, bad ha u Jakob, nga la mihpaw da ka kyrteng U Blei U Badonbor Baroh, hynrei, da ka kyrteng jong nga ‘JEHOBAH’ kim shym la ithuh ïa nga.

PROBERB 14:26

Ha ka jingsheptieng ïa U Trai don ka jingshaniah kaba khraw; bad ki khun jong u kin ïoh ïa ka jaka rieh.

PROBERB 29:25

Ka jingsheptieng ïa u briew ka wallam ka jingriam: hynrei, jar uba shaniah ha U Trai un suk skhem.

ISAÏAH 26:4

To shaniah ha U Trai junom: namar ha U Trai Jehobah don u mawsiang bymjukut.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:6

Ha ki sngi jong u, ïa u Judah yn pynim, bad u Israel un shong ha kaba suk: bad kane ka long ka kyrteng jong u da kaba yn khot ïa u, ‘U Trai u long ka hok jong ngi.’

HABAKKUK 3:19

U Jehobah, U Trai keiñ, u long ka bor jong nga, te u pynlong ïa ki kjat jong nga kum ki jong ki skei, bad un pynïaid ïa nga halor ki jaka jrong jong nga. Ïa u Nongrwai Rangbah, ha ki jingtem jong nga.

MATHAÏOS 1:23

“Ha khmih, kata ka theisotti kan punkhun, kan kha ruh ïa u khun, bad kin ïakhot ïa ka kyrteng jong u, ‘U Emmanuel,’ ” kaba long, haba la batai, “U Blei lem bad ngi”.

JINGPYNPAW 1:8

“Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

1 SAMUEL 17:45

U Dabid te u la ong ha uta u Philistia, “Me, me wan ha nga da ka waitlam, bad da u sum, bad da ka stieh: nga te nga wan sha me ha ka kyrteng U Trai ki paid, U Blei ki paidïapom ki Israel keiñ, ïa uba me la krenbeiñ.

1 SAMUEL 30:6

Te u Dabid u la sngewpisa eh; naba kita ki paidbah ki la ïa-ong ban lynthem maw ïa u, namar ki mynsiem jong kita ki briew baroh ki la kthang, uwei pa uwei namar la ki khun shynrang bad namar la ki khun kynthei; hynrei, u Dabid u la pynkhlaiñ ïa lade ha U Trai U Blei jong u.