PROBERB 17:8 - KA BAIBL

⁸ Ka jingai sngewbha ka long kum u mawkordor ha khmat uta uba don ïa ka: kat sha kaba ka phai, ka man bha.

Khasi CL Bible (BSI)

⁸ Don ki briew kiba pyrkhat ba kaba pynbam sap ka treikam kum ka myntor; ki ngeit ba ka lah ban leh lut ïa kiei kiei.

PROBERB 17:8 ပူးပေါင်းရင်းမြစ်များ

JENESIS 32:14

ïa ki blang kynthei, arspah, bad ïa ki blang shynrang, arphew, ïa ki langbrot kmie, arspah, bad ïa ki langbrot shynrang, arphew,

JENESIS 32:21

Kumta, kata ka jingai burom u Jakob ka la leit sha shiliang ha shuwa jong u: ma u hi te u la sah ha kata ka miet ha la ka jingïalang briew la ka jong.

JENESIS 43:11

Ynda kumta, u Israel u kpa jong ki u la ïathuh ha ki, “Lada ka dei ban long kumta te, to leh ïa kane; to shim na kiei kiei ruh ki babha tam jong kane ka ri ha ki jingdiang jong phi, bad to ïaleit lam arsut sha uta u briew da ka jingai sngewbha, ïa khyndiat ka umkseh baiwbih bakordor, bad khyndiat ka ngap, ïa ki masla, bad ïa ka mirr, ïa ki kwai, bad ki soh Khyllam.

SALM 18:16

U la phah na sha jrong, bad u la shim noh ïa nga; u la pynmih noh ïa nga na kiba bun ki um.

SALM 19:6

Ka jingleit mih jong ka, ka long naduh ka bakut ka bneng, bad ka jingïaid tawiar jong ka haduh ki bakut jong ka: te ym don ei ei ruh ba la buhrieh na ka jingshit jong ka.

SALM 21:13

To long ba la kyntiew ïa me, A Trai, ha la ka bor: kumta, ngin rwai bad ngin ïaroh ïa ka bor jong me.

SALM 29:4

Ka ktien sawa U Trai ka long kaba don bor; ka ktien sawa U Trai ka dap da ka burom syiem.

EKSODOS 23:8

Wat bamsap: naba kaba bamsap ka pynmatlah ïa ki bastad, bad ka pynbakla ruh ïa ki ktien jong ki bahok.

PROBERB 17:23

U riewbymman u shim ïa ka jingai na ka shadem, ïa ka ban pynbakla ïa ki lynti ka jingbishar.

PROBERB 18:16

Ka jingai sngewbha u briew ka pynkylluid jaka ïa u, bad ka wallam ïa u ha khmat ki briew ki bakhraw.

PROBERB 21:14

Ka jingai ha kaba rieh ka pynjem ïa ka jingbitar, bad ka jingai sngewbha ha ka shadem ïa ka jingbitar kaba jur.

EKLESIASTIS 7:7

Da shisha, ka jingknieh bor ka pynlong bieit ïa u bastad; bad ka jingai buskit ka pynduh ïa ka jingshemphang.

ISAÏAH 1:23

Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

AMOS 5:12

Naba nga tip kiba bun syrtap katno ki long ki jingryngkang jong phi bad katno kiba jur ki long ki pop jong phi; phi kiba pynjynjar ïa ki bahok, kiba bamsap, bad kiba ñiat noh ha ka khyrdop ïa ki bakyrduh na la ka hok.

MIKAH 7:3

Ki kti jong ki, ki ha ka basniew ïa ka ban leh biang biang ïa ka; u syiem u pan, bad u nongbishar u kloi ban bamsap; bad u bakhraw batri u kren ïa ka bymman ha la ka mynsiem; kumne ki thain lang ïa ka.

DEUTERONOMI 16:19

Men ym pynkynriang ïa ka jingbishar; me wat ñiew shiliang khmat: wat bamsap; namar kaba bamsap, ka pynmatlah ïa ki khmat jong ki bastad, bad ka pynkylla dor ïa ki ktien jong ki bahok.

1 SAMUEL 25:35

Kumta, u Dabid u la pdiang na ka kti jong ka ïa kita kiei kiei kiba ka la wallam ha u: bad u la ong ha ka, “To khie leit kiew ha kaba suk sha la ïing; ha khmih, nga la shahshkor ïa ka ktien jong pha, bad nga la pdiang sngewbha ïa pha.”