PROBERB 17:3 - KA BAIBL

³ U khiew pynphrang u long ïa ka rupa, bad ka lawar ding ïa ka ksiar: hynrei, U Trai uba tynjuh ïa ka dohnud.

Khasi CL Bible (BSI)

³ Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

PROBERB 17:3 ပူးပေါင်းရင်းမြစ်များ

1 KHRONIKL 29:17

Nga tip ruh, A U Blei jong nga, ba me tynjuh ïa ka dohnud, bad ba me sngewbha ha ka jingbeit. Ma nga te, da la ka jingbeit ka dohnud nga la ainguh sngewbha ïa kine kiei kiei baroh: bad mynta nga la ïohi da ka jingkmen ïa ki briew jong me, kiba don mynta hangne, ba ki ainguh sngewbha ha me.

Ka Kitab U Job 23:10

Hynrei, u ithuh ïa ka lynti ba nga ïaid; ynda u la tynjuh ïa nga, ngan mih noh kum ka ksiar.

Ka Kitab U Job 28:1

“Shisha ka don ka par jong ka rupa, bad ka jaka jong ka ksiar ïa kaba ki pynphrang.

SALM 139:23

To ïit ïa nga, A Blei, bad to tip ïa ka dohnud jong nga: to tynjuh ïa nga, bad to tip ïa ki jingmut jong nga:

SALM 26:2

To khmih thuh ïa nga, A Trai, bad to tynjuh ïa nga; to ïit ïa ki khyllai jong nga bad ïa ka dohnud jong nga.

SALM 66:10

Naba me, A U Blei, me la tynjuh ïa ngi: me la phrang ïa ngi, kumba ju phrang ïa ka rupa.

PROBERB 15:11

Ka jingtep bad ka jingjot ki don ha khmat U Trai: te katno tam lei lei ki dohnud u khun bynriew!

PROBERB 16:2

Ki lynti baroh ki jong u briew, ki long ki bakhuid ha khmat jong u hi: hynrei, U Trai u thew ïa ki mynsiem.

PROBERB 17:2

U shakri uba leh stad un synshar halor u khun uba pynlehrain, bad un ïoh bynta hapdeng ki para na ka jinghiar pateng.

PROBERB 21:2

Ka lynti baroh u briew ka long kaba dei ha khmat jong u hi: hynrei, U Trai uba thew ïa ki dohnud.

PROBERB 27:21

U khiew pynphrang u long ïa ka rupa, bad ka lawar ding ïa ka ksiar, bad ïa u briew la tynjuh da ka jingïaroh jong u.

ISAÏAH 48:10

Ha khmih, nga la pynphrang ïa me, te ym kum ka rupa; nga la jied ïa me ha ka lawar ding ka jingjynjar.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

ESEKIEL 22:18

“Ko khun u briew, ka ïing Israel ka la kylla eit-nar ha nga: ki baroh ki long ka rnong bad ka rang bad u nar bad ka sisa, hapdeng ka lawar ding; ki long ka eit rupa.”

DANIEL 11:35

Te katto katne na kita ki bastad kin hap, ïa ka ban phrang ïa ki, bad ban pynkhuid, bad ban pynlieh ïa ki, haduh ka por jong ka bakut: namar ba ka long ïa ka por ba la buh.

SEKHARAÏAH 13:9

Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

DEUTERONOMI 8:16

uba la bsa ïa me ha kata ka ri khlaw da ka manna, ïa kaba ki kpa jong me kim ju tip; ba un ïoh pynrit ïa me, bad ba un ïoh tynjuh ïa me, khnang keiñ bad leh bha ïa me ha ka bakut jong me;

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

1 PETROS 1:7

khnang ba kata kaba phrang ïa ka jingngeit jong phi, kaba kham kordor ïa ka ksiar kaba jot noh, la la phrang ruh ïa ka da ka ding, yn ïoh shem ïa ka ha ka jingïaroh bad ka burom bad ka jinglong burom, ha ka jingpynpaw U Jisu Khrist:

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.