PROBERB 17:23 - KA BAIBL

²³ U riewbymman u shim ïa ka jingai na ka shadem, ïa ka ban pynbakla ïa ki lynti ka jingbishar.

Khasi CL Bible (BSI)

²³ Ki nongbishar kiba bamsap ki pdiang ïa ki jingai ha kaba rieh, bad nangta kam don ka jingbishar hok.

PROBERB 17:23 ပူးပေါင်းရင်းမြစ်များ

EKSODOS 23:8

Wat bamsap: naba kaba bamsap ka pynmatlah ïa ki bastad, bad ka pynbakla ruh ïa ki ktien jong ki bahok.

PROBERB 17:8

Ka jingai sngewbha ka long kum u mawkordor ha khmat uta uba don ïa ka: kat sha kaba ka phai, ka man bha.

PROBERB 18:16

Ka jingai sngewbha u briew ka pynkylluid jaka ïa u, bad ka wallam ïa u ha khmat ki briew ki bakhraw.

PROBERB 21:14

Ka jingai ha kaba rieh ka pynjem ïa ka jingbitar, bad ka jingai sngewbha ha ka shadem ïa ka jingbitar kaba jur.

EKLESIASTIS 7:7

Da shisha, ka jingknieh bor ka pynlong bieit ïa u bastad; bad ka jingai buskit ka pynduh ïa ka jingshemphang.

ISAÏAH 1:23

Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

ISAÏAH 5:23

kiba pynksan ïa u bymman da ka jingbamsap, bad kiba knieh noh ïa ka hok jong u bahok na u!

ESEKIEL 22:12

Ha pha, ki la bam tyngka ban pynmih ïa ka snam; pha la shim ka sut bad ïa kaba tam, bad pha la myntoi da kaba khwan na ki paramarjan jong pha da ka jingbanbor, bad pha la klet ïa nga,’ ” ong U Trai U Blei.

ESEKIEL 22:27

Ki rangbah jong ka hapdeng jong ka ki long kum ki suri kiba tar la ka jinglute; ban pynmih ïa ka snam, bad ban pynjot ïa ki mynsiem, ba kin ïoh ïa ka nong bymhok.

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

MIKAH 3:9

“To sngew ïa kane, nga kyrpad ïa phi, phi ki rangbah ka ïing u Jakob, bad ki rangbah ka ïing Israel, kiba isih ïa ka jingbishar, bad kiba pynbakla ïa ka hok baroh.

MIKAH 7:3

Ki kti jong ki, ki ha ka basniew ïa ka ban leh biang biang ïa ka; u syiem u pan, bad u nongbishar u kloi ban bamsap; bad u bakhraw batri u kren ïa ka bymman ha la ka mynsiem; kumne ki thain lang ïa ka.

DEUTERONOMI 16:19

Men ym pynkynriang ïa ka jingbishar; me wat ñiew shiliang khmat: wat bamsap; namar kaba bamsap, ka pynmatlah ïa ki khmat jong ki bastad, bad ka pynkylla dor ïa ki ktien jong ki bahok.

1 SAMUEL 12:3

Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

1 SAMUEL 8:3

Te kita ki khun jong u kim shym ïaid ha ki lynti jong u, hynrei, ki la phai noh sha ka jinglalot, bad ki la bamsap, bad ki la pynbakla ïa ka jingbishar ruh.