PROBERB 17:17 - KA BAIBL

¹⁷ U lok u ieit ha ki por baroh, bad ïa u para la kha khnang hamar ka jingjynjar.

Khasi CL Bible (BSI)

¹⁷ Ki paralok borabor ki pynpaw ïa ka jingieit jong ki. Ki hynmen ki para ki dei na ka bynta kaei lada kim ïarap lem ha por jingjynjar?

PROBERB 17:17 ပူးပေါင်းရင်းမြစ်များ

2 SAMUEL 1:26

Nga khuslai sat namar jong me, ko Jonathan, u para jong nga: nga la sngewtynnad eh ïa me: ka jingieit jong me ïa nga ka la long kaba phylla, kaba palat ïa ka jingieit ki kynthei keiñ.

2 SAMUEL 15:21

U Ittai te u la ïathuh ha u syiem, bad u la ong, “Katba im U Trai, bad katba im u syiem kynrad jong nga, shisha shisha ha kata ka jaka kaba u don u syiem kynrad jong nga, la ha kaba ïap lane ha kaba im, hangta hi keiñ u shakri jong me un don ruh.”

ESTHER 4:14

Namar lada pha phan sngap jar noh ha kane ka por, te ka jingïarap bad ka jingpyllait kan mih ïa ki Jiw na kawei pat ka jaka, hynrei, pha bad ka ïing u kpa jong pha phin jot noh: bad ei ba tip lehse pha la wan sha kata ka hima khnang na ka bynta kaba kum kane ka por?”

PROBERB 16:28

U briew uba mutlop u pynphriang kylleng ïa ka jingïaleh: bad u nongkrensiar u pynïakhlad ïa ki lok kiba jan eh.

PROBERB 18:24

Uta uba bun lok, ka long ba un jot ïa lade: hynrei, don u lok uba neh kham skhem ban ïa u para.

PROBERB 19:13

U khun u babieit u long ka jingjynjar ïa la u kpa; bad ki jingïapyneh ka tnga ki long ka jingjaw kaba khlem pud.

PROBERB 19:7

Baroh ki para jong u baduk ki isih ïa u: sa katno lei lei ki lok jong u kin jngai noh na u! u bud ïa ki da ki ktien, hynrei, ki la jah noh.

HEBRU 2:11

Namar uta uba pynkyntang ruh bad kita ïa kiba la pynkyntang ki long baroh na uwei keiñ; namar kata ka daw, um sngewlehrain ban khot para ïa ki,

RUTH 1:16

Ka Ruth te ka la ong, “Wat kyrpad ïa nga ba ngan khlad noh na pha, ïa ka ban phai noh na kaba bud ïa pha: naba sha kaba phan leit ma pha, hangta nga ruh ngan leit; bad ha kaba phan shong basa ma pha, hangta nga ruh ngan shong basa: ki briew jong pha kin long ki briew jong nga, bad U Blei jong pha un long U Blei jong nga:

1 SAMUEL 18:3

Ynda kumta, u Jonathan bad u Dabid ki la ïateh jutang, naba u la ieit ïa u kum la ka jong ka mynsiem.

1 SAMUEL 19:2

Hynrei, u Jonathan u khun u Saul u la ieit eh ïa u Dabid. Bad u Jonathan u la ïathuh ha u Dabid, u da ong, “U Saul u kpa jong nga u thew ban pynïap ïa me: namar kata te, nga kyrpad ïa me, to sumar ïa lade lashai mynstep, bad to sah ha ka jaka rieh, bad to buhrieh ïa lade:

1 SAMUEL 19:3

te ngan mih shabar bad ngan ïeng hajan u kpa jong nga ha kata ka lyngkha ha kaba me don, te ngan ïakren bad u kpa jong nga shaphang jong me; te katba nga tip, ngan ïathuh ha me.”

1 SAMUEL 20:17

Bad u Jonathan u la pynsmai pat ïa u Dabid ruh, namar ka jingieit jong u ïa u: naba u la ieit ïa u kumjuh kumba u la ieit ïa la ka jong ka mynsiem.

1 SAMUEL 23:16

Te u Jonathan u khun u Saul u la ïeng, bad u la leit sha u Dabid ha kata ka 'law lynnong; bad u la kyrshan bor ïa ka kti jong u ha U Blei.