PROBERB 17:14 - KA BAIBL

¹⁴ Ka jingsdang ka jingïaleh ka long kum haba uwei u pyllait noh ïa ka um: namar kata, to pynwai noh ïa ka jingïapyneh, katba ym pat long ka jingïakajia.

Khasi CL Bible (BSI)

¹⁴ Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 17:14 ပူးပေါင်းရင်းမြစ်များ

2 SAMUEL 19:41

Te ha khmih, ki rangbah Israel baroh ki la wan sha u syiem, bad ki la ong ha u syiem, “Balei ba ki para jong ngi ki rangbah Judah ki la tuh ïa me, bad ki la wallam sha shiliang ka Jordan ïa u syiem, bad ïa ki ba-ha-ïing jong u, bad ïa ki rangbah u Dabid baroh lem bad u?”

2 KHRONIKL 13:17

Bad u Abijah bad ki briew jong u ki la pynïap ïa ki, da ka jingpynïap bakhraw: kumta, la pynkyllon ïap na ki Israel sanspah hajar ki rangbah ba la kynsai.

2 KHRONIKL 28:6

Naba u Pekah u khun u Remaliah u la pynïap ha Judah ha kawei hi ka sngi shispah arphew hajar, kita baroh ki briew bashlur; namar ba ki la kyntait noh ïa U Trai, U Blei jong ki kpa jong ki.

PROBERB 13:10

Da ka jingsarong ka wan tang ka jingïaleh: hynrei, bad uba pyrkhat bha ka jingstad ka don.

PROBERB 14:29

Uta uba tud ban bitar u don ka jingshemphang kaba khraw: hynrei, uta uba jyndong la ka mynsiem u kyntiew ïa ka jingbieit.

PROBERB 15:1

Ka jingphai ktien kaba jem ka pynphai noh ïa ka jingbitar: hynrei, ka ktien kaba eh ka pynkhih ïa ka jingbitar.

PROBERB 16:32

Uba tud ban bitar u kham lah ban ïa uba khlaiñ; bad uba synshar ïa la ka mynsiem ban ïa uba jop ïa ka shnong.

PROBERB 17:19

U ieit ïa ka jingpalat jar uba ieit ïa ka jingïaleh: uta uba kyntiew jrong ïa la ka khyrdop u wad ïa ka jingpynjot.

PROBERB 19:11

Ka jingsian u briew ka pynlong ïa u, uba tud ban bitar; bad ka long ka burom jong u ban jam palat ïa ka jingryngkang.

PROBERB 20:3

Ka long burom ïa u briew ba un kiar na ka jingïakajia: hynrei, u babieit baroh un shu ïamai.

PROBERB 25:8

Wat leit mih kyrkieh ban ïaleh, ïoh ba mem tip kumno ban leh ha ka bakut jong ka, haba u paramarjan jong me u la pynlehrain ïa me.

PROBERB 26:21

Kumba long ka 'dewïong ïa ki rnga barhem, ki dieng ïa ka ding; kumta long u briew uba shait ïakajia ban pynmeh ïa ka jingïaleh.

PROBERB 29:22

U briew uba bitar u pynkynroi ïa ka jingïaleh, bad u briew uba shla u kynrei ka jingpalat.

Ka Shithi U Paul Sha Ki Nong Rom 12:18

lada long kaba lah, katba shong kata ha phi to long kiba ïashong suk noh bad ki briew baroh.

1 THESSALONI 4:11

bad ban ïaleh khnang ban long jar jar, bad ban leh ïa la ka kam, bad ban trei da la ki jong ki kti, kumba ngi la hukum ïa phi;