PROBERB 17:13 - KA BAIBL

¹³ Jar uba ai nong da ka basniew namar ka babha, ka jingsniew kan ym kynriah na ka ïing jong u.

Khasi CL Bible (BSI)

¹³ Lada phi siew kylliang ïa kaba bha da kaba sniew, da lei lei phin ym lah ban beh ïa kaba sniew na ka ïing jong phi.

PROBERB 17:13 ပူးပေါင်းရင်းမြစ်များ

2 SAMUEL 12:10

Mynta te namar kata, ka waitlam kan ym iehnoh ïa ka ïing jong me lano lano ruh; namar ba me la beiñ ïa nga, bad ba me la shim ïa ka tnga u Uriah, u kynja Hit ban long ka tnga jong me.’

1 SYIEM 21:22

bad ngan pynlong ïa ka ïing jong me, kum ka ïing u Jeroboam u khun u Nebat, bad kum ka ïing u Baasha u khun u Ahijah, namar ka jingpankwah da kaba me la pankwah ïa nga ban bitar, bad me la pynleh pop ïa ki Israel.’

SALM 35:12

Ki siew ïa nga da ka basniew namar ka babha, kat ban lute ïa ka mynsiem jong nga.

SALM 38:20

Kita ruh kiba ai ka basniew namar ka babha ki long ki nongïaleh pyrshah jong nga, namar ba nga beh ïa ka babha.

PROBERB 13:21

Ka jingsniew ka beh nadien ki bapop: hynrei, ïa u bahok, yn ai nong da ka babha.

MATHAÏOS 27:25

Ki briew baroh ki da ïathuh ki la ong ruh, “To ka snam jong U kan long halor jong ngi, bad halor ki khun jong ngi.”

MATHAÏOS 27:5

Haba u la bred noh te ïa kita ki sbai ha ka ïing U Blei, u la leit noh bad u la leit sdien ïa lade.

Ka Shithi U Paul Sha Ki Nong Rom 12:17

Wat leh markylliang hano hano ruh ïa ka basniew namar ka basniew; to pyrkhat lypa ïa kiei kiei ruh ki babha tynnad ha khmat ki briew baroh;

1 THESSALONI 5:15

To khmih ba uno uno ruh un ym leh kylliang ïa ka basniew namar ka basniew hano hano ruh; hynrei, ha la ka sngi keiñ to ïabeh brai ïa kata ka babha, sha la ki paralok hi, bad sha ki briew baroh.

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.

1 SAMUEL 19:4

Bad u Jonathan u la kren bha shaphang u Dabid ha u Saul u kpa jong u, bad la ong ha u, “To u syiem un ym leh pop ïa la u shakri, ïa u Dabid keiñ; namar um shym leh pop ma u ïa me, bad namar ba ki jingleh jong u ki long ki babha eh ïa me:

1 SAMUEL 24:17

Bad u la ong ruh ha u Dabid, “Me kham hok ma me ban ïa nga: naba ma me, me la ai ïa nga da ka babha, nga te nga ai ïa me da ka basniew.

1 SAMUEL 25:21

Te u Dabid u la lah ong, “Shisha lehnohei ba nga la da ïa kiei kiei baroh ba une u don ha ka ri khlaw, katba ym shym la jah noh ei ei ruh em na kita baroh ki jong u; bad u la siew kylliang ïa nga da ka basniew namar ka babha.