PROBERB 16:7 - KA BAIBL

⁷ Haba ki lynti u briew ki pynsngewbha ïa U Trai, u pynlong wat ïa ki nongshun jong u ba kin ïasuk bad u.

Khasi CL Bible (BSI)

⁷ Haba phi pynsngewbha ïa U Trai, phi lah ban pynkylla paralok ïa ki nongshun jong phi.

PROBERB 16:7 ပူးပေါင်းရင်းမြစ်များ

JENESIS 27:41

Te u Iso u la isih ïa u Jakob namar kata ka jingkyrkhu da kaba u kpa jong u, u lah kyrkhu ïa u: bad u Iso u la ong ha la ka dohnud, “Ki sngi ban ïambriew ïa i pa ki la jan; hadien kata, nga, ngan da pynïap noh ïa u Jakob u para jong nga.”

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

JENESIS 33:4

Bad u Iso u la phet ban ïashem bad u, bad u la kdup ïa u bad u la noh ha ka ryndang jong u bad u la doh ïa u de: ki la ïam ruh de.

2 KHRONIKL 17:10

Bad ka jingsheptieng U Trai ka la hap ha baroh ki hima ki ri kiba baroh sawdong ka Judah, kumta, kim shym ïaleh thma ïa u Jehoshaphat.

2 KHRONIKL 20:30

Kumta, ka hima u Jehoshaphat ka la long kaba suk: namar U Blei jong u, U la ai ïa u ka jingshongthait baroh sawdong.

ESRA 8:36

Bad ki la aiti ïa ki hukum u syiem ha ki satrap u syiem, bad ha ki nongsynshar sha shiliang ka wah: bad ki la ïarap ïa u paidbah bad ïa ka ïing U Blei.

SALM 69:31

Te kan kham pynsngewbha ïa U Trai ban ïa u masi lyngraw, lane u masi dab uba don bad reng bad khnap.

EKSODOS 3:21

Bad ngan ai ha une u paidbah ka jingsngewbha ha khmat ki Ijipt: kan sa jia ruh, ha kaba phin leit noh, phin ym leit noh suda,

PROBERB 16:8

Lah kaba khyndiat lem bad ka hok ban ïa shibun ka khajna lem bad ka jingbymhok.

PROBERB 3:17

Ki lynti jong ka ki long ki lynti ka jingsngewtynnad, bad ki lynti ïaid jong ka baroh ki long ka jingsuk.

JEREMAÏAH 15:11

U Trai u la ong, “Da shisha ngan pynkhlaiñ ïa me ïa ka ban bha; da shisha ngan pynlong ba ki nongshun jong me kin kyrpad ïa me ha ka por ka jingsniew bad ha ka por ka jingjynjar.

JEREMAÏAH 39:12

“To shim ïa u, bad khmih bha ïa u, bad wat pynmynsaw ei ei ïa u; hynrei, leh ïa u katba un ong ïa me keiñ.”

JEREMAÏAH 42:12

Bad ngan ai jingisynei ïa phi, khnang ba un leh isynei ha phi, bad un pynphai noh ïa phi sha ka ri jong phi hi.’

DANIEL 1:9

Te U Blei u la pynshem ïa u Daniel ka jingsngewbha bad ka jingieit ha khmat uta u rangbah ki ïunukh.

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

PHILIPPI 4:18

Hynrei, nga don kiei kiei baroh, bad nga dap kyrhai; la pyndap ïa nga, haba la ïoh pdiang na u Epaphroditos ïa kiei kiei na phi, ïa ka jingiw baiwbih, ïa ka jingkñia ba pdiang hun, ba pynsngewbha eh ïa U Blei keiñ.

KOLOSSAI 1:10

ba phin ïaid kum ba dei biang ïa U Trai, ïa ka ban pynsngewbha baroh, da kaba sei soh ha ka jingleh babha baroh, bad da kaba nang roi ha ka jingtip ïa U Blei;

KOLOSSAI 3:20

Ko ki khun, to kohnguh ïa la ki kmie ki kpa ha kiei kiei baroh, namar kane ka long kaba pynsngewbha eh ïa U Trai.

HEBRU 13:21

un pynjanai ïa phi ha ka jingleh babha baroh, ïa ka ban leh ïa ka mon jong u, da kaba trei ha phi ïa kata kaba pynsngewbha eh ha khmat jong u, da U Jisu Khrist; ha uba to long ka burom sha ki bymjukut ki bymjukut: Amen.

1 PETROS 3:13

Te uei uta u ban pynsniew ïa phi, lada phi long kiba ïabud skhem ïa kata ka babha?

1 ÏOANNIS 3:22

Bad lada ngi pan ïa kaei kaei ruh, ngi pdiang na u, naba ngi sumar ïa ki hukum jong u, bad ngi ïai-leh ïa kita kiei kiei ruh ba pynsngewbha ha khmat jong u.