PROBERB 16:6 - KA BAIBL

⁶ Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

Khasi CL Bible (BSI)

⁶ Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 16:6 ပူးပေါင်းရင်းမြစ်များ

JENESIS 20:11

Te u Abraham u la ïathuh, “Naba nga la ong ha lade, ‘Shisha ym don ka jingsheptieng burom ïa U Blei ha kane ka jaka; ki te kin pynïap noh ïa nga namar ka tnga jong nga.’

NEHEMAÏAH 5:15

Hynrei, ki nongsynshar kiba mynshuwa jong nga ki la ban khia ïa u paidbah, bad ki la shim ïa u kpu bad ka Waiñ na ki, nalor ki sawphew shekel rupa; shisha keiñ, wat ki shakri jong ki, ki la leh trai khlieh halor u paidbah: hynrei, nga ngam shym la leh kumta, namar kaba tieng ïa U Blei.

NEHEMAÏAH 5:9

Nga la ong ruh, “Kane kaba phi leh kam long ka babha: hato kam dei ïa phi ban ïaid ha ka jingsheptieng ïa U Blei jong ngi, namar ka jingrkhiebeiñ ki Jentil ki nongshun jong ngi?

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

SALM 85:10

Ka jingisynei bad ka jingshisha ki la ïashem lang; ka hok bad ka jingsuk ki la ïadoh.

EKSODOS 1:17

Hynrei, kita ki nongbat khun ki la sheptieng ïa U Blei, bad kim shym leh kumba uta u syiem ka ri Ijipt u la hukum ïa ki, hynrei, ki la ri im ïa ki khun shynrang.

EKSODOS 20:20

Te u Moses u la ong ha uta u paidbah, “Wat sheptieng: namar ïa ka ban tynjuh ïa phi U Blei u la wan, bad ba ka jingsheptieng ïa u kan long ha khmat jong phi, ba phin ym leh pop.”

PROBERB 14:16

U briew u bastad u sheptieng, bad u kynriah na ka basniew: hynrei, u babieit u leh meng, bad u shngain.

PROBERB 14:2

Uta uba ïaid ha la ka jingbeit u sheptieng ïa U Trai: hynrei, uta uba mutlop ha la ki lynti u ñiewbeiñ ïa u.

PROBERB 14:27

Ka jingsheptieng ïa U Trai ka long ka pukri ka jingim, ïa ka ban kynriah na ki jingriam ka jingïap.

PROBERB 16:5

U briew baroh uba sarong ka dohnud, u long ka jingijli ha U Trai: la ki ïaksoh para kti, un ym lait na ka jingpynshitom.

PROBERB 20:28

Ka jingisynei bad ka jingshisha, ki ri kyndong ïa u syiem; bad ïa ka khet jong u la kyrshan da ka jingisynei.

PROBERB 3:3

Wat ai ba ka jingisynei bad ka jingshisha kin iehnoh noh ïa me: to teh ïa ki ha ka ryndang jong me; to thoh ïa ki ha u maw lyngkniap ka dohnud jong me:

PROBERB 3:7

Wat long u bastad ha la ka jong ka jingñiew; to sheptieng ïa U Trai, bad to kiar na ka basniew:

PROBERB 8:13

Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

DANIEL 4:24

kane ka long ka jingbatai, ko syiem, bad kane ka long ka hukum jong U Bahakhlieh Tam Eh, ka ban sa jia ha u kynrad jong nga u syiem:

DANIEL 4:27

Namar kata, ko syiem, to pdiang ïa ka jingkyntu jong nga, bad to pynduh noh ïa ki pop jong me da ka jinglehhok, bad ïa ki jingbymhok jong me da kaba leh isynei ïa ki baduk; lehse don ka jingpynslem ïa ka jingsuk jong me.”

LEBITIKOS 25:17

Bad wat ïaleh jubor paralok hi; hynrei, men sheptieng ïa U Blei jong me: naba nga long U Trai U Blei jong phi.

LOUKAS 11:41

Te hynrei, to ai kum ka jingai isynei na kiei kiei kiba shapoh; te ha khmih, kiei kiei baroh ki long khuid ïa phi.

ÏOANNIS 15:2

Ka tnat baroh ba ha nga ka bymsei soh u ngor noh; bad ka tnat baroh kaba sei soh, u khyllad ïa ka, ba kan ïoh sei soh kham bun.

KI KAM 15:9

te um shym la pynïapher ei ei ruh hapdeng jong ngi bad jong ki, ba u da pynkhuid ïa ki dohnud jong ki da ka jingngeit.

2 KORINTH 7:1

Namar kata, haba ngi don kine ki jingkular, ko ki hep, to ngin ïapynkhuid noh ïa lade na ka jingbit-tngit ka doh bad ka mynsiem baroh, da kaba pynjanai ïa ka jingkhuid ha ka jingsheptieng ïa U Blei.

EPHESOS 5:21

da kaba ïakohnguh paralok ha ka jingsheptieng ïa U Khrist.

DEUTERONOMI 30:13

Lymne, kam long sha shiliang ka duriaw, ba men ong, ‘Uei u ban leit shalor ka duriaw na ka bynta jong ngi, bad ban wallam ïa ka ha ngi, ba ngin ïohsngew ïa ka, bad ba ngin ïoh leh ïa ka?’

1 PETROS 1:22

Haba phi la pynkhuid ïa ki mynsiem jong phi ha kaba kohnguh ïa ka jingshisha da U Mynsiem, ïa ka ban ïa-ieit parabangeit khlem arsap, to phin da ïa-ieit shitrhem paralok hi naduh ka dohnud: