PROBERB 16:30 - KA BAIBL

³⁰ Uta uba khapbrip ïa la ki khmat, ka long ïa ka ban pun ïa kiei kiei kiba runar: uta uba kyrbam ïa la ki rmiang shyntur u pynlong ïa ka jingsniew.

Khasi CL Bible (BSI)

³⁰ Husiar na ki briew kiba shri bad khapbrip khmat ïa phi; ki don ka jingpyrkhat kaba sniew.

PROBERB 16:30 ပူးပေါင်းရင်းမြစ်များ

ÏOANNIS 3:20

Naba u briew baroh uba ïai-leh ïa ka basniew, u shun ïa kata ka jingshai, bad um wan ha kata ka jingshai, ïoh ba yn sneng pyrshah ïa ki jingleh jong u.

MATHAÏOS 13:15

Naba ka dohnud kine ki briew ka la rben, bad ki la sngewkhia da la ki shkor, bad ki la khapbrip ïa la ki khmat; bad ïoh kin ïohi da la ki khmat, bad ba kin ïohsngew da la ki shkor, bad ba kin ïoh sngewthuh da la ka dohnud, bad ba kin ïoh kylla, bad ba ngan ïoh pynkhiah ruh ïa ki.’

MIKAH 7:3

Ki kti jong ki, ki ha ka basniew ïa ka ban leh biang biang ïa ka; u syiem u pan, bad u nongbishar u kloi ban bamsap; bad u bakhraw batri u kren ïa ka bymman ha la ka mynsiem; kumne ki thain lang ïa ka.

ISAÏAH 6:10

Pynkhleiñ ïa ka dohnud une u paidlang, bad to pynkhia ïa ki shkor jong ki, bad to pynkhapbrip ïa ki khmat jong ki; ïoh kin ïohi da la ki khmat, bad ïohsngew da la ki shkor, bad sngewthuh da la ka dohnud, bad kin phai pat, bad yn pynkhiah ïa ki.”

PROBERB 16:27

U briew uba thala u pun ïa ka jingsniew: bad ha ki rmiang shyntur jong u ka don kum ka ding kaba khluit.

PROBERB 10:10

Uta uba khapbrip da la ka khmat u pynlong ka jingsngewsih: hynrei, u riewbieit blab blab un kyllon.

PROBERB 16:29

U briew uba leh jubor u riam pah ïa la u paramarjan bad u ïalam ïa u ha ka lynti ka bymbha.

PROBERB 16:31

Ka khlieh ba la phuh 'ñiuhlieh ka long ka pansngiat ka burom, yn shem ïa ka ha ka lynti ka hok.