PROBERB 16:16 - KA BAIBL

¹⁶ Katno ka kham bha ban ïoh ïa ka jingstad ban ïa ka ksiar! bad kaba ïoh ïa ka jingshemphang ka kham dei ban jied ban ïa ka rupa.

Khasi CL Bible (BSI)

¹⁶ Ka kham bha — nang kham bha — ban don ka jingstad bad ka jingtip ban ïa ka ksiar bad ka rupa.

PROBERB 16:16 ပူးပေါင်းရင်းမြစ်များ

SALM 119:127

Namar kata, nga ieit ïa ki hukum jong me tam ïa ka ksiar, wat, tam ïa ka ksiar ba la phrang.

PROBERB 2:4

lada me wad ïa ka kum ïa ka rupa, bad wad bniah ïa ka kum ïa ki spah ba la buhrieh;

PROBERB 3:13

Suk uta u briew uba shem ïa ka jingstad, bad uta u briew uba ïoh ïa ka jingshemphang.

PROBERB 3:14

Namar ka jingkhaïi jong ka, ka kham bha ïa ka jingkhaïi rupa, bad ka jingpynmyntoi jong ka ban ïa ka ksiar nylla.

PROBERB 4:5

to pynïoh ïa ka jingstad, to pynïoh ïa ka jingshemphang; wat klet ïa ka, lymne wat phai noh na ki ktien ka shyntur jong nga:

PROBERB 4:7

Ka jingstad ka long kaba kongsan; to ïoh te ïa ka jingstad: bad da kiei kiei baroh kiba me don to ïoh ïa ka jingshemphang.

PROBERB 8:19

U soh jong nga u kham bha ban ïa ka ksiar, shisha, ban ïa ka ksiar nylla; bad ka jingmih jong nga ban ïa ka rupa ba la kynsai.

EKLESIASTIS 7:12

Namar ka jingstad ka long ka jingïada, kumba ka spah ka long ka jingïada: hynrei, ka jingkordor ka jingtip ka long, ba ka jingstad ka ri ïa ka jingim jong uta uba don kata.

MATHAÏOS 16:26

Naba u briew un myntoi aïu, lada un ïoh ïa ka pyrthei baroh, bad un duh noh ïa la ka mynsiem? Lane u briew un ïapli da ei ïa la ka mynsiem?

LOUKAS 12:21

Kumta, u long uta uba kynshew lypa ïa lade, hynrei, u bymlong riewbha sha U Blei.”