PROBERB 15:8 - KA BAIBL

⁸ Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

Khasi CL Bible (BSI)

⁸ U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 15:8 ပူးပေါင်းရင်းမြစ်များ

2 SAMUEL 15:12

Bad u Absalom u la phah khot ïa u Ahithophel u nong Gilon, u myntri jong u Dabid, na la ka shnong, kata na Giloh, mynba u dang kñia ïa kita ki jingkñia. Te kata ka jingshetsylla ka la jur; naba u paidbah uba bad u Absalom u la nang bun nang bun.

1 SYIEM 3:10

Kata ka jingkren te ka la pynsngewbha ïa U Trai, ba u Solomon u la pan ïa kum kane.

1 KHRONIKL 29:17

Nga tip ruh, A U Blei jong nga, ba me tynjuh ïa ka dohnud, bad ba me sngewbha ha ka jingbeit. Ma nga te, da la ka jingbeit ka dohnud nga la ainguh sngewbha ïa kine kiei kiei baroh: bad mynta nga la ïohi da ka jingkmen ïa ki briew jong me, kiba don mynta hangne, ba ki ainguh sngewbha ha me.

SALM 141:2

Ai ban pynïeng ïa ka jingduwai jong nga kum ka jingiwbih thang ha khmat jong me; ïa kaba kyntiew ki kti jong nga kum ka jingainguh la janmiet.

SALM 17:1

To sngap ïa kaba hok, A Trai, to sngew ïa ka jingkyang jong nga; to shahshkor ïa ka jingduwai jong nga, kaba mih ym na ki rmiang shyntur ki bashukor.

PROBERB 10:24

Ka jingsheptieng jong u bymman, kan wan ngat ha u: bad ïa ka jingkwah jong u bahok, yn ai.

PROBERB 15:29

U Trai u long jngai na u bymman: hynrei, u sngew ïa ka jingduwai u bahok.

PROBERB 15:7

Ki rmiang shyntur jong u bastad ki pynphriang ïa ka jingtip: hynrei, ka dohnud u babieit kam leh kumta.

PROBERB 21:27

Ka jingkñia jong u bymman ka long ka jingijli: sa katno lei lei haba u wallam ïa ka bad ka jingmut bymman!

PROBERB 21:3

Kaba leh ïa ka hok bad ïa ka jingbishar ka long kaba kham pdiang hun ha U Trai ban ïa ka jingkñia.

PROBERB 28:9

Uba phai noh ïa la ka shkor na kaba ïohsngew ïa ka hukum, wat ka jingduwai jong uta ka long ka jingijli.

EKLESIASTIS 5:1

Sumar ïa la ka sla'jat haba me leit ha ka ïing U Blei; namar kaba leit hajan ban sngap, ka long kham bha ban ïa ka ban ai ka jingainguh kiba bieit: namar ki kim tip ba ki leh sniew.

JINGRWAI SOLOMON 2:14

Ko ka paro jong nga, kaba don ha ki snur ki mawsiang, ha ka synrang jaka riat, ai ba ngan ïohi ïa ka khmat jong pha, ai ngan ïohsngew ïa ka jingsawa jong pha; namar ka jingsawa jong pha ka long kaba thiang, bad ka khmat jong pha ka long kaba itynnad.

ISAÏAH 61:8

Namar nga U Trai nga ieit ïa ka jingbishar, nga isih ïa ka jingtuh bad ka bymhok; te ngan ai ïa ka nong jong ki ha ka jingshisha, bad ngan pynlong ka jutang ba ha la ka rta bad ki.

ISAÏAH 66:3

“Uba pynïap ïa u masi dab u long kum uba pynïap briew; uta uba kñia ïa u khun langbrot, u long kum uba la pynkheiñ ïa ka ryndang u ksew; uta uba ai ïa ka jingainguh, u long kum uba ainguh da ka snam sniang; uta uba thang jingiwbih, u long kum uba kyrkhu ïa u bleithaw. Shisha keiñ, ki la jied ïa la ki jong ki lynti, bad ka mynsiem jong ki ka sngewbha ha ki jingijli jong ki;

JEREMAÏAH 6:20

Ïa ka ban lei ka wan poi ha nga ka jingiwbih na Sheba, bad u pai bathiang na ka ri ba jngai? Ki jingainguh thang jong phi kim long kiba pdiang hun, lymne ki jingkñia jong phi kiba pynsngewbha ïa nga.

DANIEL 9:23

Ha kaba sdang ki jingkyrpad jong me, ka hukum ka la leit mih noh, bad nga la wan ban ïathuh ha me; namar me long ïa uba la ieit eh: namar kata, to pyrkhat ïa kata ka ktien, bad to sngewthuh ïa kata ka jingithuhpaw.

LEBITIKOS 7:18

Bad lada bam tang khyndiat ruh na ka doh ka jingainguh jong ka jingkñia bapynïasuk jong u ha ka sngi ka balai, yn ym pdiang ïa ka, lymne yn ym kheiñ ïa ka ha uta uba la kñia ïa ka: kan long kaba isih, bad uta u briew uba bam na ka un kit ïa la ka pop.

MIKAH 6:6

Da ei ngan wan ha khmat U Trai, bad ba ngan dem ha khmat U Blei U Bahakhlieh? ngan wan ha khmat jong u da ki jingainguh thang, da ki khun masi kiba shi snem?

MIKAH 6:7

U Trai un sngewbha ha ki hajar ki langbrot shynrang, lane ha shiphew hajar ki wah umphniang? ngan ai ïa uba la kha nyngkong jong nga namar ka jingpalat jong nga, ïa u soh ka met jong nga namar ka pop ka mynsiem jong nga?

HAGGAI 2:14

Hangta u Haggai u la ïathuh bad u la ong, “Kumta keiñ, long une u paidbah, bad kumta long kane ka jaid bynriew ha khmat jong nga,” ong U Trai; “bad kumta ka long baroh ka kam ki kti jong ki; bad kata kaba ki ainguh hangta ka long bymkhuid.

MALAKHI 1:10

“A ban da don uwei hapdeng jong phi u ban khang ïa ki jingkhang, ba phin ym lah ban sliew ding thala ha ka duwan jong nga! Ngam don jingsngewbha shuh ha phi,” ong U Trai ki paid, “lymne ngan ym pdiang ïa ka jingainguh na ka kti jong phi.

ÏOANNIS 4:24

U Blei u long U Mynsiem, te ka dei ïa kiba mane ïa u, ban mane ha ka mynsiem bad ha kaba shisha.”