PROBERB 15:32 - KA BAIBL

³² Uba kyntait ïa ka jinghikai u ñiewbeiñ ïa la ka jong ka mynsiem: hynrei, uba sngap ïa ka jingsneng u ïoh ïa ka jingshemphang.

Khasi CL Bible (BSI)

³² Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 15:32 ပူးပေါင်းရင်းမြစ်များ

SALM 50:17

Haba me isih ïa ka jinghikai, bad ba me bred shadien jong me ïa ki ktien jong nga.

PROBERB 1:7

Ka jingsheptieng ïa U Trai ka long ka jingsdang ka jingtip: hynrei, ki babieit ki ñiewbeiñ ïa ka jingstad bad ka jinghikai.

PROBERB 10:17

U long ha ka lynti ka jingim jar uba sngap ïa ka jingsneng; hynrei, uta uba lyndet ïa ka jingsneng, u bakla.

PROBERB 13:18

Ka jingkyrduh bad ka jinglehrain kan long ïa uba kyntait ïa ka jingsneng: hynrei, uba ñiewkor ïa ka jingsneng yn pyndonburom ïa u.

PROBERB 15:14

Ka dohnud jong uta uba don ka jingshemphang ka wad ïa ka jingtip: hynrei, ka shyntur jong ki babieit ka bam ïa ka jingbieit.

PROBERB 15:21

Ka jingbieit ka long ka jingkmen ïa uba suda ka jingstad: hynrei, u briew u bashemphang u pynlong kaba beit ïa la ka lynti.

PROBERB 15:31

Ka shkor kaba sngap ïa ka jingsneng jong ka jingim kan ïaineh hapdeng ki bastad.

PROBERB 15:33

Ka jingsheptieng ïa U Trai ka long ka jinghikai ka jingstad; bad ha shuwa ka burom ka leit ka jingsngewrit.

PROBERB 15:5

U babieit u ñiewbeiñ ïa ka jinghikai u kpa jong u: hynrei, uba ñiewkor ïa ka jingsneng u ïoh ka jingsian.

PROBERB 17:16

Balei ba ka dor ka don ha ka kti u babieit ban thied ïa ka jingstad, haba um don ka jingshemphang?

PROBERB 18:15

Ka dohnud u basian ka ïoh ïa ka jingtip: bad ka shkor u bastad ka wad ïa ka jingtip.

PROBERB 19:20

To sngap ïa ka jingpyni, bad to pdiang ïa ka jinghikai, ba men dup long u bastad ha ka bakut jong me.

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

EKLESIASTIS 7:5

Kham bha ban ïohsngew ïa ka jingsneng jong ki bastad, ban ïa kaba u briew un ïohsngew ïa ka jingrwai ki babieit.

ISAÏAH 1:5

Na ka balei ban shoh shuh shuh ïa phi ba phi nang kham ïaleh pyrshah? Ka khlieh ka la pang baroh, bad ka dohnud ka sngewlwait baroh.

ISAÏAH 3:9

Ka jingpaw ka khmat jong ki ka phla pyrshah ïa ki; bad ki pynpaw ïa la ka pop kum ka Sodom, kim ju buhrieh ïa ka, Kordit ïa ka mynsiem jong ki! Namar ki la ai nong jingsniew ïa lade.

JEREMAÏAH 5:3

A Trai, ki khmat jong me kim khmih ha ka jingshisha? Me la shoh ïa ki, hynrei, kim shym la sngewsih; me la bam duh ïa ki, hynrei, kim treh ban pdiang ïa ka jingsneng: ki la pynlong ïa ki khmat jong ki kham eh ban ïa u mawsiang; kim treh ban wan phai pat.

DEUTERONOMI 21:18

“Lada u briew u don u khun uba mutlop bad uba kiat, u bymkohnguh ïa ka ktien u kpa jong u, lane ïa ka ktien ka kmie jong u, bad haba ki la sneng ïa u ruh, um sngap ïa ki:

DEUTERONOMI 21:20

bad kin ïa-ong te ha ki tymmen basan ka nongbah jong u, ‘Une u khun jong ngi u long uba mutlop bad uba kiat, um kohnguh ïa ka ktien jong ngi; u long uba kangar bad uba buaid.’

HEBRU 12:15

da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

JAKOB 1:22

Te to long phi ki nongleh ïa ka ktien, bad ym tang ki nongsngew, da kaba shukor noh ïa lade hi.

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.