PROBERB 15:3 - KA BAIBL

³ Ki khmat U Trai ki long ha ki jaka baroh, ba u da ap khmih ïa ka basniew bad ïa ka babha.

Khasi CL Bible (BSI)

³ U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

PROBERB 15:3 ပူးပေါင်းရင်းမြစ်များ

2 KHRONIKL 16:9

Namar ki khmat jong U Trai ki shad kylleng ha ka pyrthei baroh, ban pynkhlaiñ ïa lade bad kita kiba ka dohnud jong ki ka janai ha u. Ha kane, me la leh bieit; namar naduh mynta men sa ïoh ki thma.”

Ka Kitab U Job 24:23

U Blei u ai ha ki ban long ha kaba suk skhem, bad ki shaniah ha kata; bad ki khmat jong u ki ha ki lynti jong ki.

Ka Kitab U Job 28:24

Naba u khmih haduh ki bakut ka khyndew, bad u ïohi hapoh ka bneng baroh;

Ka Kitab U Job 31:4

Hato um ïohi ïa ki lynti jong nga, bad um kheiñ ïa ki jingjam jong nga baroh?

SALM 33:13

U Trai u khmih na bneng; u ïohi ïa u khun bynriew baroh;

PROBERB 15:4

U thylliej uba khiah u long u dieng ka jingim: hynrei, ka jingmutlop ha u ka long kaba pynjot mynsiem.

PROBERB 5:21

Namar ki lynti u briew ki don ha pyrshah ki khmat U Trai, bad u pynmadan ïa ki lynti ïaid jong u baroh.

JEREMAÏAH 16:17

Naba ki khmat jong nga ki don ha ki lynti jong ki baroh: ym shym la buhrieh ïa ki na khmat jong nga, lymne ym shym buhrieh ïa ka jingleh bymhok jong ki na ki khmat jong nga.

JEREMAÏAH 23:24

U lah uno uno ban buhrieh ïa lade ha ki jaka barieh ba ngan ym ïohi ïa u?” ong U Trai. “Nga ngam dap ïa ka bneng bad ïa ka khyndew,” ong U Trai.

JEREMAÏAH 32:19

u bakhraw ha ka jingpyrkhat, bad u badonbor ha ka kam; uba ki khmat jong u ki peit ha ki lynti baroh jong ki khun bynriew; ban ai ha uwei uwei baroh katba kum ki lynti jong u, bad katba kum u soh ki jingleh jong u:

SEKHARAÏAH 4:10

Naba uei uba la ñiewbeiñ ïa ka sngi jong kiei kiei kiba rit? Naba kin leh kmen, bad kin ïohi ïa u sawar ha ka kti u Serubbabel, wat kine ki hynñiew tylli, kiba long ki khmat jong U Trai: ki phet shane bad shawei ïa ka khyndew baroh.”

HEBRU 4:13

Bad ym don ka jingthaw ba khlem paw ha khmat jong u; hynrei, kiei kiei baroh ki long lyngkhuit bad kiba paw pyrshah ha ki khmat jong u, bad uba ngi ïadonkam.