PROBERB 15:2 - KA BAIBL

² U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

Khasi CL Bible (BSI)

² Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 15:2 ပူးပေါင်းရင်းမြစ်များ

SALM 45:1

Ka dohnud jong nga ka shlei da kaei kaei ka babha: nga kren ïa kita kiei kiei kiba nga la leh shaphang u syiem: u thylliej jong nga u long u khulom u nongthoh uba stet.

SALM 59:7

Ha khmih, ki jynruh da la ka shyntur; ki waitlam ki don ha ki rmiang shyntur jong ki: “Naba,” ki ong, “uei u ban ïohsngew?”

PROBERB 12:23

U briew u basian u buhrieh ïa ka jingtip: hynrei, ka dohnud ki babieit ka pynbna ïa ka jingbieit.

PROBERB 13:16

U briew u basian baroh u trei da ka jingtip: hynrei, u babieit u thad ïa ka jingbieit.

PROBERB 15:23

U briew u ïoh ka jingkmen ha ka jubab ka shyntur jong u: bad ka ktien ha ka por kaba bit, katno ka babha ka long!

PROBERB 15:28

Ka dohnud u bahok ka pyrkhat ïa ka ban phai ktien: hynrei, ka shyntur jong u bymman ka shu theh noh ïa kiei kiei ki basniew.

PROBERB 15:7

Ki rmiang shyntur jong u bastad ki pynphriang ïa ka jingtip: hynrei, ka dohnud u babieit kam leh kumta.

PROBERB 16:23

Ka dohnud u bastad ka hikai ïa ka shyntur jong u, bad ka pynlang ïa ka jinghikai ha ki rmiang shyntur jong u.

PROBERB 5:2

ba men ïoh ri khop ïa ka jingsian, bad ba ki rmiang shyntur jong me kin bat ïa ka jingtip.

EKLESIASTIS 10:14

U babieit ruh u pynbun ktien: pynban, u briew um tip kaei ban sa long; bad ïa kata ka ban sa long hadien jong u, uei uba lah ban ïathuh?

EKLESIASTIS 5:3

Namar ka jingphohsniew ka wan da kaba bun ka kam: bad ka jingsawa u babieit da kaba bun ktien.

ISAÏAH 50:4

U Trai U Blei u la ai ha nga u thylliej jong kiba la shah hikai, ba ngan tip kumno ban shan da ki ktien ïa uta uba thait: u pynkyndit man la ka step, u pynkyndit ïa ka shkor jong nga ban sngap kum kiba la shah hikai.