PROBERB 14:8 - KA BAIBL

⁸ Ka jingstad jong u basian ka long ban sngewthuh ïa la ka lynti: hynrei, ka jingbieit jong ki babieit ka long ka jingshukor.

Khasi CL Bible (BSI)

⁸ Balei ba u briew uba sian u stad? Namar u tip ïa kaei ban leh. Balei ba u briew ba-mutlop u bieit? Namar ba u shu pyrkhat ba u tip.

PROBERB 14:8 ပူးပေါင်းရင်းမြစ်များ

SALM 111:10

Ka jingsheptieng ïa U Trai long ka jingsdang ka jingstad; ka jingshemphang ka babha ki don kita baroh kiba leh ïa ki: ka jingïaroh jong u ka neh junom.

SALM 119:5

A ban da pynskhem ïa ki lynti jong nga ïa ka ban sumar ïa ki aiñ jong me!

SALM 119:73

Ki kti jong me ki la thaw ïa nga bad ki la pynlong dur ïa nga: to pynshemphang ïa nga ba ngan dup nang ïa ki hukum jong me.

SALM 143:8

To pynsngew ïa nga ïa ka jingleh isynei jong me mynstep; naba ha me nga shaniah: pyntip ïa nga ïa ka lynti kaba ngan ïaid; naba nga kyntiew ïa la ka mynsiem sha me.

PROBERB 11:18

U bymman u ïoh ïa ka bainong kaba shukor: hynrei, uta uba bet ïa ka hok u ïoh ka nong kaba skhem.

PROBERB 12:5

Ki jingmut jong u bahok ki long hok: hynrei, ki jingpyrkhat jong u bymman ki long ka jingshukor.

PROBERB 15:21

Ka jingbieit ka long ka jingkmen ïa uba suda ka jingstad: hynrei, u briew u bashemphang u pynlong kaba beit ïa la ka lynti.

PROBERB 2:9

Ynda kumta, men sngewthuh ïa ka hok bad ïa ka jingbishar, ïa ka jingbeit, bad ïa ka lynti babha baroh.

PROBERB 8:20

Nga ïaid ha ka lynti ka hok, hapdeng ki lynti ïaid ka jingbishar:

EKLESIASTIS 2:13

Te nga la ïohi ba ka jingstad ka kham kor ban ïa ka jingbieit, kumba ka jingshai ka kham kor ban ïa ka jingdum.

EKLESIASTIS 2:16

Namar ïa u bastad, kum ïa u babieit, ym don jingkynmaw kaba ha la ka rta; haba ïohi ba ha ki sngi ki ban sa wan ïa baroh la klet noh lypa. Bad kumno u briew bastad u ïap kum u babieit!

JEREMAÏAH 13:20

“To khmied la ki khmat, bad to khmih ïa kita kiba wan na shatei: hangno kata ka kynhun kaba la ai ha me, kata ka kynhun kaba itynnad jong me?

1 KORINTH 3:19

Namar kata ka jingstad jong kane ka pyrthei, ka long ka jingbieit ha U Blei. Namar la thoh: “U kem ïa ki bastad ha ka buit sianti jong ki hi.”

EPHESOS 4:22

ba phin buh noh, shaphang kata ka jinglong jong phi kaba mynshuwa, ïa uta u briew batymmen keiñ, uba nang pyut katba kum kita ki jingikwah ka jingshukor,

EPHESOS 5:17

Naba kumta, to wat long phi ki babieit, hynrei, ki bashemphang kaei ka mon U Trai.

2 TIMOTHI 3:13

Hynrei, ki briew basniew bad ki nongshukor kin nang sniew nang sniew, ki da shukor bad shah shukor.

JAKOB 3:13

Uei u bastad bad u bashemphang hapdeng jong phi? to un da pynpaw da ka jinglong babha jong u ïa kita ki jingleh jong u da ka jingjemnud ka jingstad.