PROBERB 14:6 - KA BAIBL

⁶ U nongrkhiebeiñ u wad ïa ka jingstad, te um shem: hynrei, ka jingtip ka long kaba jem ïa uba don ka jingshemphang.

Khasi CL Bible (BSI)

⁶ Ki briew kiba meng da lei lei kin ym long kiba stad, hynrei ki briew kiba shemphang ki ïoh hikai kloi.

PROBERB 14:6 ပူးပေါင်းရင်းမြစ်များ

SALM 119:18

To pynpeit ïa ki khmat jong nga, ba ngan ïohi ïa kiei kiei kiba phylla na ka aiñ jong me.

PROBERB 1:5

ba u riewstad un ïohsngew, bad ba un roi ha ka jinghikai; bad ba uta uba shemphang un kot sha ki jingpyrkhat ba shongnia:

PROBERB 14:5

U sakhi uba shisha un ym lamler: hynrei, u sakhi uba lamler u kren ïa ki jinglamler.

PROBERB 14:7

Khie leit ha khmat u briew u babieit, te men ym ïohi ha u ïa ki rmiang shyntur ka jingtip.

PROBERB 15:12

U nongrkhiebeiñ um ieit ban ïoh jingsneng: un ym leit sha u bastad.

PROBERB 17:16

Balei ba ka dor ka don ha ka kti u babieit ban thied ïa ka jingstad, haba um don ka jingshemphang?

PROBERB 17:24

Ka jingstad ka don ha pyrshah ka khmat uta uba don ka jingshemphang: hynrei, ki khmat u babieit ki don ha ki bakut ka khyndew.

PROBERB 18:2

U babieit um don jingsngewbha ha ka jingshemphang, hynrei, tang ba ka dohnud jong u kan pynpaw ïa lade.

PROBERB 24:7

Ka jingstad ka jrong eh ïa u babieit: um ju ang ïa la ka shyntur ha ka khyrdop.

PROBERB 26:12

Me ïohi ïa u bastad ha la ka jong ka jingñiew? kham kyrmen ïa uba bieit ban kum ïa uta.

PROBERB 8:8

Ki ktien ka shyntur jong nga baroh ki long ha ka hok; ym don ha ki, kaei kaei ka bymbeit lane mutlop.

PROBERB 8:9

Ki long kiba shai baroh ha uta uba shemphang, bad kiba beit ha kita kiba shem ïa ka jingtip.

ISAÏAH 8:20

Ïa, sha ka hukum bad sha ka jingphla! Lada kim kren kat kane ka ktien, shisha ka jingmih ka sngi kan ym don ïa ki.

JEREMAÏAH 8:9

Ki briew ki bastad ki la lehrain, la pynkhaw-eit bad la kem ïa ki: ha khmih, ki la kyntait ïa ka ktien U Trai; te ka jingstad kaba kumno ka don ha ki?

1 KORINTH 8:2

Te lada uno uno ruh u mut ba u tip ïa kaei kaei ruh, um pat ithuh ei ei ruh em kat kumba ka dei keiñ ïa u ban ithuh.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.