PROBERB 14:2 - KA BAIBL

² Uta uba ïaid ha la ka jingbeit u sheptieng ïa U Trai: hynrei, uta uba mutlop ha la ki lynti u ñiewbeiñ ïa u.

Khasi CL Bible (BSI)

² Long kiba beit bad phi pyn-i ba phi don ka jingtiengburom ïa U Trai; long kiba kynriang bad phi pyn-i ba phim don ïa kata.

PROBERB 14:2 ပူးပေါင်းရင်းမြစ်များ

2 SAMUEL 12:9

Balei te me la beiñ ïa ka ktien U Trai, ïa ka ban leh sniew ha khmat jong u? Ïa u Uriah u kynja Hit me la pynïap da ka waitlam, bad ïa ka tnga jong u me la shim ban long ka tnga jong me, bad me la pynïap ïa u da ka waitlam ki khun u Ammon.

1 SYIEM 3:6

U Solomon te u la ong, “Me la pyni ka jingsbun bakhraw ha u shakri jong me u Dabid u kpa jong nga, kat kumba u la ïaid ha khmat jong me ha ka jingshisha, bad ha ka hok, bad ha ka jingbeit ka dohnud bad me; bad me la tyngkai na ka bynta jong u ïa kane ka jingsbun bakhraw, ba me la ai ha u, u khun ban shong halor ka khet jong u, kumba ka long ha kane ka sngi.

2 SYIEM 17:34

Haduh kane ka sngi ki leh kat kum ki rukom bamynshuwa: Kim sheptieng ïa U Trai, lymne kim leh kat kum ki aiñ jong ki, lane kat kum ki rukom jong ki, lane kat kum ka adong lane kat kum ka hukum kaba U Trai u la hukum ïa ki khun u Jakob, ïa uba u la kyrteng “Israel”:

Ka Kitab U Job 1:1

La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.

Ka Kitab U Job 12:4

Nga long kum ïa uba la rkhiebeiñ da u paramarjan, uba la duwai ha U Blei, bad u la phai ktien ruh ïa u: u bahok, uba janai u long ïa uba la rkhiebeiñ.

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

SALM 112:1

To ïaroh ïa U Trai. Suk uta u briew uba sheptieng ïa U Trai, uba sngewbha shibun ïa ki hukum jong u.

SALM 25:21

Ai ba ka jingshisha bad ka jingbeit kin ri kyndong ïa nga, namar nga ap kyrmen ha me.

PROBERB 11:12

Uta uba ñiewbeiñ ïa la u paramarjan u long uba suda ka jingstad: hynrei, u briew uba shemphang u sngap jar.

PROBERB 16:17

Ka lynti bah jong uba beit ka long ban kynriah na ka basniew: uta uba sumar ïa la ka lynti, u ri kyndong ïa la ka mynsiem.

PROBERB 16:6

Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 19:1

Lah u baduk uba ïaid ha la ka jingbeit ban ïa uba mutlop la ki rmiang shyntur bad u babieit artad.

PROBERB 2:15

kiba kynriang ha la ki lynti, bad kiba mutlop ha la ki lynti ïaid:

PROBERB 28:6

Lah u baduk uba ïaid ha la ka jingbeit, ban ïa uba mutlop ïa la ki lynti, la u riewspah ruh.

EKLESIASTIS 12:13

Kane ka long ka jingkyllum; ïa baroh la ïohsngew: sheptieng ïa U Blei, bad sumar ïa ki hukum jong u; namar kane baroh ka long ka kamram u briew.

LOUKAS 10:16

“Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

LOUKAS 16:14

Kita ki Pharisi ruh, kiba ieit sbai eh, ki la ïohsngew ïa kine kiei kiei baroh, te ki la pynran beiñ ïa la ki khmut ïa u.

KI KAM 10:22

Te ki la ïathuh, “U Kornilios, u rangbah shispah, u briew u bahok, bad uba sheptieng ïa U Blei, bad uba la ïoh ka jingïaroh na ka jaid Jiw baroh, la sneng ïa u da u angel bakhuid ban phah khot ïa me shapoh ka ïing jong u, bad ban ïohsngew ïa ki ktien na me.”

KI KAM 10:35

hynrei, ha kano kano ka jaid bynriew, jar uba sheptieng ïa U, bad uba ïai-leh ïa ka hok, u long keiñ uba la pdiang sngewbha da U.

KI KAM 9:31

Kumta, ka balang ha Judia bad Galilaïa bad Samaria baroh ka la suk, ba la tei ïa ka; bad da kaba ïaid ha ka jingsheptieng ïa U Trai, bad ha ka jingpyntngen U Mynsiem Bakhuid, ka la roi kyrhai.