PROBERB 13:25 - KA BAIBL

²⁵ U bahok u bam haduh ba la kdang ka mynsiem jong u: hynrei, ka kpoh jong u bymman kan kyrduh.

Khasi CL Bible (BSI)

²⁵ Kiba hok ki don kyrhai ban bam, hynrei ki bymman ki shahthngan borabor.

PROBERB 13:25 ပူးပေါင်းရင်းမြစ်များ

SALM 34:10

Ki sing samla ki kyrduh, bad ki shah thngan: hynrei, kita kiba wad ïa U Trai kin ym kyrduh ïa kaei kaei ka babha.

PROBERB 10:3

U Trai un ym shah ïa ka mynsiem jong u bahok ban thngan: hynrei, u shop noh ïa ka jingkwah jong u bymman.

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

1 TIMOTHI 4:8

Namar ka jingpynmlien ïa ka met, ka myntoi tang khyndiat; hynrei, kata ka jingriewblei, ka pynmyntoi sha kiei kiei baroh; naba ka don ka jingkular ïa ka jingim kaba mynta, bad ïa kata ka ban sa wan.

PROBERB 6:11

kumta ka jingduk jong me kan wan kum u nongtuh, bad ka jingkyrduh jong me kum u briew ba la kieng atiar.

DEUTERONOMI 32:24

Yn pyning ïa ki da ka jingthngan, bad yn bam duh ïa ki da ka jingshit ba-ing bad da ka jingpynjot ba kthang; ngan phah ruh halor jong ki ïa ki bniat ki mrad khlaw, lem bad ka bih jong ki bseiñ ka khyndew.

2 THESSALONI 3:10

Naba mynba ngi la don ruh bad phi, ïa kane ngi la hukum ïa phi, “Lada uno uno ruh um mon ban trei, te wat ai ba un bam ruh.”

PROBERB 24:34

kumta ka jingduk jong me kan wan kum u nongtuh; bad ka jingkyrduh jong me kum u briew ba la kieng atiar.

SALM 37:16

Kham bha kaba khyndiat kaba u bahok u don ban ïa ka jingpahuh shibun ki bymman.

SALM 37:3

To shaniah ha U Trai, bad leh ïa ka babha; to shong ha ka ri, bad to beh ïa ka jingshisha.

DEUTERONOMI 28:48

Namar kata, men shakri ïa ki nongshun jong me ïa kiba U Trai un phah pyrshah ïa me, ha ka jingthngan, bad ha ka jingsliang, bad ha ka jinglyngkhuit, bad ha ka jingkyrduh ïa kiei kiei baroh: bad un buh ka lyngkor nar ha ka ryndang jong me, ha ban da u la pynjot noh thiaw ïa me.

LOUKAS 15:14

Te ynda u la pynlut ïa kiei kiei baroh, la jia 'nemsniew kaba khraw ha kata ka ri, u ruh u la sdang ban sngewkyrduh.

SALM 103:5

uba pynkdang ïa ka shyntur jong pha da kiei kiei ki babha; kat ban pynthymmai ïa ka jinglong samla jong pha kum ka pukni.

SALM 132:15

Ngan kyrkhu kyrhai ïa ka jingbam jong ka: ngan pynkdang da u kpu ïa ki baduk jong ka.

PROBERB 13:18

Ka jingkyrduh bad ka jinglehrain kan long ïa uba kyntait ïa ka jingsneng: hynrei, uba ñiewkor ïa ka jingsneng yn pyndonburom ïa u.