PROBERB 13:22 - KA BAIBL

²² U briew u babha un iehnoh sah ïa ka bynta pateng ha ki khun ki khun jong u; bad ïa ka spah jong u nongpop la tyngkai ïa u bahok.

Khasi CL Bible (BSI)

²² Ki briew kiba bha kin don ka spah ban ieh pateng ha ki ksiew jong ki, hynrei ka spah jong ki nongpop kan leit sha kiba hok.

PROBERB 13:22 ပူးပေါင်းရင်းမြစ်များ

ESRA 9:12

Namar kata te, wat ai ïa ki khun kynthei jong phi ha ki khun shynrang jong ki, lymne wat shim ïa ki khun kynthei jong ki ha ki khun shynrang jong phi, lymne wat wad ïa ka jingsuk jong ki lymne ïa ka jingmanbha jong ki lano lano ruh: ba phin long ki bakhlaiñ, bad phin bam ïa ka jingbha ka ri, bad ba phin iehnoh ïa ka kum ka jingïoh pateng ha ki khun jong phi junom la junom.’

SALM 102:28

Ki khun jong ki shakri jong me kin ïaisah, bad ïa u symbai jong ki yn pynskhem ha khmat jong me.

SALM 112:2

U symbai jong u un long u bakhlaiñ ha ka khyndew: ka pateng bynriew kiba beit kan long kaba suk.

SALM 128:6

Bad men ïohi ïa ki khun jong ki khun jong me. To long ka jingsuk ïa ki Israel.

SALM 37:25

Nga la long samla, te mynta nga la tymmen; hynrei, ngam shym la ïohi ïa u bahok ba la iehnoh noh ïa u, lymne ïa u symbai jong u ba ki ïakhrong kpu.

PROBERB 17:6

Ki ksiew ki long ka pansngiat ki tymmen; bad ka burom ki khun long ki kpa jong ki.

PROBERB 28:8

Uta uba pynkhraw ïa la ka spah da kaba shim sut than bad ka jingpynroi, u lum ïa ka ha uta uba leh isynei ïa ki baduk.

EKLESIASTIS 2:26

Namar ïa u briew uba pynsngewbha ïa u, U Blei u ai ka jingstad, bad ka jingtip, bad ka jingkmen: hynrei, ha u nongpop, u ai ka jingshitom, ban lum bad ban kynton, ba un ai ha uta uba pynsngewbha ïa U Blei. Kane ruh ka long kaba thala bad kaba beh ïa ka lyer.