PROBERB 13:20 - KA BAIBL

²⁰ To ïaid bad ki briew ki bastad, to men long u bastad: hynrei, u lok jong ki babieit, un jynjar.

Khasi CL Bible (BSI)

²⁰ Ïalang paralok bad uba stad bad phin kylla stad. Lada phi ïalang paralok bad ki briew kiba bieit, phin long kiba bieit.

PROBERB 13:20 ပူးပေါင်းရင်းမြစ်များ

JENESIS 14:12

Bad ïa u Lot, uba shong ha Sodom, u khunruid jong u Abram, bad ïa ka spah jong u ruh, ki la ïashim noh, hadien kata, ki la ïaleit noh.

1 SYIEM 12:10

Te kita ki samla kiba la ïasan ryngkat bad u ki la kren ha u, ki ïa-ong, “Kumne men ong ha une u paidbah uba la kren ha me, uba ong, ‘U kpa jong me u la pynkhia ïa ka lyngkor jong ngi, hynrei, to men kham pynsting ïa ka ha ngi;’ kumne keiñ men kren ha ki, ‘Ka 'tiduh jong nga ka kham khraw ban ïa ka syngkai u kpa jong nga.

1 SYIEM 12:8

Hynrei, u la lyndet ïa ka jingpyni ki tymmen kaba ki la ai ha u, bad u la ïapyrkhat bad ki samla kiba la ïasan ryngkat bad u, kiba ju ïeng ha khmat jong u.

1 SYIEM 22:32

Te ynda ki kaptan ki kali ïapom ki la ïohi ïa u Jehoshaphat, ki la ïa-ong, “Da shisha u dei u syiem ki Israel;” bad ki la phai noh ban ïaleh ïa u: bad u Jehoshaphat u la kyang jam.

1 SYIEM 22:4

Te u la ong ha u Jehoshaphat, “Men leit lem bad nga sha ka thma ha Ramoth-gilead?” Bad u Jehoshaphat u la ong ha u syiem ki Israel, “Nga long kumba me long, ki briew jong nga kum ki briew jong me, bad ki kulai jong nga kum ki kulai jong me.”

2 KHRONIKL 10:8

Hynrei, u la lyndet ïa ka jingpyni ki tymmen kaba ki la ai ha u, bad u la ïapyrkhat bad ki samla kiba ïasan ryngkat bad u, kiba ju ïeng ha khmat jong u.

2 KHRONIKL 19:2

Te u Jehu u khun u Hanani u nongïohi, u la leit tan ïa u, bad u la ong ha u syiem Jehoshaphat, “Hato me dei ban ïarap ïa ki bymman, bad ban ieit ïa kita kiba shun ïa U Trai? Namar kane, ka jingbitar na khmat U Trai ka don halor jong me.

2 KHRONIKL 22:4

Bad u la leh ïa kata ka basniew ha khmat U Trai, kumba la leh ka ïing u Ahab: namar ki la long ki nongpyni buit ïa u hadien ba la ïap u kpa jong u, ïa ka jingjot jong u.

SALM 119:63

Nga long u lok ïa kita baroh kiba sheptieng ïa me, bad ïa kita kiba sumar ïa ki hukum jong me.

PROBERB 13:19

Ka jingkwah ba la pyndep, ka long thiang ïa ka mynsiem: hynrei, ka long ka jingijli ïa ki babieit ban kynriah na ka basniew.

PROBERB 14:7

Khie leit ha khmat u briew u babieit, te men ym ïohi ha u ïa ki rmiang shyntur ka jingtip.

PROBERB 15:31

Ka shkor kaba sngap ïa ka jingsneng jong ka jingim kan ïaineh hapdeng ki bastad.

PROBERB 22:24

Wat pynlong ka jingïalok bad u briew uba shait bitar; bad wat ju leit bad u briew uba khong khong:

PROBERB 22:25

ïoh ba men nang ïa ki lynti jong u, bad ba men ïoh ka jingriam ïa la ka mynsiem.

PROBERB 7:27

Ka ïing jong ka, ka long ka lynti sha ka jingtep, kaba leit hiar sha ki kamra ka jingïap.

PROBERB 9:6

To keiñ noh, phi ki babieit, bad to im; bad to ïaid ha ka lynti ka jingshemphang.”

MALAKHI 3:16

Ynda kumta, kita kiba la sheptieng ïa U Trai ki la ïakren paralok: bad U Trai u la shahshkor, bad u la ïohsngew, bad la thoh ïa Ka Kitab Ka Jingkynmaw ha khmat jong u, ïa kita kiba la sheptieng ïa U Trai, bad kiba la pyrkhat ïa ka kyrteng jong u.

KI KAM 2:42

Bad ki la ïaineh skhem ha ka jinghikai jong ki apostol, bad ha ka jingïasyllok, bad ha kaba kdiah kpu, bad ha ki jingduwai de.

HEBRU 10:24

bad to ngin ïapyrkhat ban ïapynkhih paralok ïa ka jingïa-ieit bad ïa ka jingleh babha;

JINGPYNPAW 18:4

Te nga la ïohsngew ïa kawei pat ka ktien na bneng, ka da ong, “To ïamih noh na ka, u paidlang jong nga, ba phin ym ïashang lem bad kita ki pop jong ka, bad ba phin ym ïa-pdiang na kita ki jingïapthem jong ka.