PROBERB 13:16 - KA BAIBL

¹⁶ U briew u basian baroh u trei da ka jingtip: hynrei, u babieit u thad ïa ka jingbieit.

Khasi CL Bible (BSI)

¹⁶ Ki briew kiba sian, borabor ki pyrkhat ha shuwa ban leh ïa kano kano, hynrei ki briew kiba mutlop ki thad ïa la ka jingbieit.

PROBERB 13:16 ပူးပေါင်းရင်းမြစ်များ

SALM 112:5

Suk uta u briew uba leh sbun bad u ba ai kylliang; un pynïeng ïa la ka hok ha ka jingbishar.

PROBERB 14:33

Ka jingstad ka shong ha ka dohnud uta uba don ka jingshemphang: hynrei, ïa kata kaba ha ka kpoh ki babieit, la ju pynpaw.

PROBERB 15:2

U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

PROBERB 18:2

U babieit um don jingsngewbha ha ka jingshemphang, hynrei, tang ba ka dohnud jong u kan pynpaw ïa lade.

PROBERB 21:24

Uba sarong bad uba sngewmeng, “U nongrkhiebeiñ” long ka kyrteng jong u, u trei ha ka jingsngewkhraw ka jingsarong.

EKLESIASTIS 10:13

Ka jingsdang ki ktien ka shyntur jong u ka long ka jingbieit: bad ka bakut ka jingkren jong u ka long ka jinglamwir bapynsniew.

EKLESIASTIS 10:3

Shisha ruh, haba u babieit u ïaid ha ka lynti, ka jingshemphang jong u kam ïarap ïa u, bad u ong ha uwei uwei baroh ba u long u babieit.

ISAÏAH 52:13

Ha khmih, u shakri jong nga un leh stad, yn kyntiew ïa u bad yn pynkhraw ïa u, bad un long hajrong eh.

MATHAÏOS 10:16

“Ha khmih, nga phah noh ïa phi kum ki langbrot hapdeng ki suri; namar kata, phin ïalong ki basian kum ki bseiñ, bad ki bajemnud kum ki paro.

Ka Shithi U Paul Sha Ki Nong Rom 16:19

Namar ïa ka jingkohnguh jong phi la bna sha ki briew baroh. Nga sngewkmen, namar kata, shaphang jong phi; hynrei, nga kwah ïa phi ban long ki bastad shisha shaphang ka babha, bad kiba lui lui shaphang ka basniew.

1 KORINTH 14:20

Ko parabangeit, to wat long khynnah ha ka jingshemphang; hynrei, ha ka jingbymman, to long khunlung; te ha ka jingshemphang, to long rangbah.

EPHESOS 5:17

Naba kumta, to wat long phi ki babieit, hynrei, ki bashemphang kaei ka mon U Trai.

1 SAMUEL 25:17

Mynta te namar kata, to tip bad to pyrkhat ïa kaei ba phan sa leh; namar la thew ïa ka basniew ïa u kynrad jong ngi, bad ka ïing jong u baroh: naba u long u khun u Belial katta katta, katba ym lah ïakren shuh bad u.”

1 SAMUEL 25:25

Nga kyrpad, wat ai ba u kynrad jong nga un ñiew ei ei ïa une u riew Belial, une u Nabal keiñ: naba kumba long ka kyrteng jong u, kumta ruh u long ma u; ‘u Nabal’ long ka kyrteng jong u, bad ka jingbieit ka snoh ha u: hynrei, ma nga ka shakri jong me ngam shym ïohi ïa kita ki shakri u kynrad jong nga, kiba me la phah.