PROBERB 12:7 - KA BAIBL

⁷ Ïa ki bymman la pynkyllon, te kim don shuh: hynrei, ka ïing jong u bahok kan ïeng.

Khasi CL Bible (BSI)

⁷ Ki bymman ki ïakynduh ïa la ka jingkyllon noh bad ym don ba mih pateng na ki, hynrei ki longïing jong kiba hok ki ïai im pateng.

PROBERB 12:7 ပူးပေါင်းရင်းမြစ်များ

2 SAMUEL 7:16

Bad ïa ka ïing jong me bad ïa ka jinglong syiem jong me yn pynskhem ha khmat jong me junom: yn pynskhem keiñ ïa ka khet jong me junom.’ ”

2 SAMUEL 7:26

Bad to ai ba ka kyrteng jong me kan long ïa kaba la pynkhraw junom, da kaba ong, ‘U Trai ki paid u long U Blei halor ki Israel:’ bad to ai ba ka ïing u Dabid u shakri jong me kan long ïa kaba la pynskhem ha khmat jong me.

ESTHER 9:14

Bad u syiem u la hukum ba yn leh kumta: bad ïa ka rai la pynbna ha Shushan; bad ki la phasi ïa ki shiphew ngut ki khun u Haman.

Ka Kitab U Job 11:20

Hynrei, ki khmat ki jong u bymman kin duh noh, bad kin ym don lad ban phet noh, te ka jingkyrmen jong ki kan long ban dkut noh la ka mynsiem.”

Ka Kitab U Job 34:25

Namar kata, u khmih thuh ïa ki jingleh jong ki; bad u pynkyllon ïa ki mynmiet, ba kumta la pynjot noh ïa ki.

SALM 37:10

Namar sa khyndiat pat, te u bymman um don shuh: bad men pyrkhat bniah ïa ka jaka jong u, te un ym don shuh.

PROBERB 10:25

Haba ka lyer langthari ka ïaid, u bymman um don shuh: hynrei, u bahok u long ka nongrim kaba junom.

PROBERB 11:21

La ki ïabat para kti, u bymman un ym lait na ka jingpynshitom: hynrei, ïa u symbai jong u bahok, yn pyllait.

PROBERB 12:8

Ïa u briew yn ïaroh katba kum ka jingstad jong u: hynrei, ïa uba mutlop ka dohnud, yn ñiewbeiñ.

PROBERB 14:1

Ka briew ka bastad baroh ka tei ïa la ka ïing: hynrei, ka babieit ka lied noh ïa ka da la ki jong ki kti.

PROBERB 14:11

Ïa ka ïing jong u bymman yn pynkyllon: hynrei, ka ïingjaiñ jong uba beit, kan phuh.

PROBERB 15:25

U Trai un jynrat noh ïa ka ïing jong uba sarong: hynrei, un pynskhem ïa ka pud jong ka riewkynthei.