PROBERB 12:5 - KA BAIBL

⁵ Ki jingmut jong u bahok ki long hok: hynrei, ki jingpyrkhat jong u bymman ki long ka jingshukor.

Khasi CL Bible (BSI)

⁵ Ki briew kiba beit kin lehbha ïa phi; ki bymman ki kwah tang ban shukor ïa phi.

PROBERB 12:5 ပူးပေါင်းရင်းမြစ်များ

SALM 119:15

Ngan pyrkhat ha ki hukum jong me, bad ngan khmih ïa ki lynti jong me.

SALM 139:23

To ïit ïa nga, A Blei, bad to tip ïa ka dohnud jong nga: to tynjuh ïa nga, bad to tip ïa ki jingmut jong nga:

PROBERB 11:23

Ka jingkwah jong u bahok ka long ka babha suda: hynrei, ka jingkhmih lynti jong u bymman ka long ka jingbitar.

PROBERB 12:4

Ka briew kaba shida ka long ka pansngiat ïa la u tnga: hynrei, kaba pynlehrain ka long ka jingpyut ha ki shyieng jong u.

PROBERB 12:6

Ki ktien jong u bymman ki long shaphang kaba thap ban ïoh snam: hynrei, ka shyntur jong uba beit kan pyllait ïa ki.

PROBERB 14:8

Ka jingstad jong u basian ka long ban sngewthuh ïa la ka lynti: hynrei, ka jingbieit jong ki babieit ka long ka jingshukor.

PROBERB 24:9

Ka jingmut u babieit ka long pop: bad u nongrkhiebeiñ u long ka jingijli ïa ki briew.

ISAÏAH 55:7

to u bymman un iehnoh ïa la ka lynti, bad u riewbymhok ïa la ki jingmut: to un phai ruh sha U Trai, te un sngewsynei ïa u; bad sha U Blei jong ngi, namar un map phar.

JEREMAÏAH 4:14

A Jerusalem, to sait ïa la ka dohnud na ka jingbymman, ba yn pynim ïa pha. Slem katno ki jingmut basniew jong pha kin shong hapoh jong pha?

JEREMAÏAH 9:3

“Bad ki pynkdor ïa la u thylliej kumba u la long ka ryntieh jong ki ïa ka jinglamler; bad ki la man khlaiñ ha ka ri, hynrei, ym na ka bynta ka jingshisha: naba ki nang ïaid na ka basniew sha ka basniew, bad kim ithuh ïa nga,” ong U Trai.

JEREMAÏAH 9:5

Bad kin ïashukor man u briew ïa la u paramarjan, bad kin ym kren ïa ka jingshisha: ki la hikai ïa la u thylliej ban kren lamler; ki pynthait ïa lade ban leh bymhok.

MATHAÏOS 2:16

Ynda kumta, u Herod, haba u la ïohi ba la shukor ïa u da kita ki riewstad, u la bitar eh lep, bad u la phah pynïap noh ïa ki khun shynrang baroh kiba ha Bethlehem, bad ha ki phang jong ka baroh, naduh kiba ar snem bad kiba kham poh, kumba dei kata ka aïom ïa kaba u la kylli biang biang ruh na kita ki riewstad.

MATHAÏOS 26:4

te ki la ïasylla ba kin ïoh kem tuh ïa U Jisu, ba kin ïoh pynïap noh.

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.

2 KORINTH 4:2

hynrei, ngi la kyndiah eh na kiei kiei ruh kiba rieh jong ka jinglehrain, haba ngim ïaid ha ka buit sianti, lymne khleh phon ïa ka ktien U Blei; hynrei, da ka jingpynpaw ïa ka jingshisha ngi da ïaroh ïa lade ha ka jingïatiplem ki briew baroh ha khmat U Blei.