PROBERB 12:23 - KA BAIBL

²³ U briew u basian u buhrieh ïa ka jingtip: hynrei, ka dohnud ki babieit ka pynbna ïa ka jingbieit.

Khasi CL Bible (BSI)

²³ Ki briew kiba sian ki sngap jar ïa kaei kaba ki tip, hynrei kiba mutlop ki thad ïa la ka jingbieit.

PROBERB 12:23 ပူးပေါင်းရင်းမြစ်များ

PROBERB 13:16

U briew u basian baroh u trei da ka jingtip: hynrei, u babieit u thad ïa ka jingbieit.

PROBERB 11:13

Uta uba par kylleng kum u nongkrensiar u pynpaw ïa ki ktien rieh: hynrei, uta uba don ka mynsiem kaba shaniah u buhrieh ïa ka kam.

PROBERB 10:14

Ki briew ki bastad ki kynshew ïa ka jingtip: hynrei, ka shyntur jong u ba-bieit ka long ka jingpynjot kaba hajan.

PROBERB 15:2

U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

PROBERB 10:19

Ha ka jingbun ki ktien ym ju duh ka jingryngkang: hynrei, uta uba khang ïa la ki rmiang shyntur u leh stad.

EKLESIASTIS 10:3

Shisha ruh, haba u babieit u ïaid ha ka lynti, ka jingshemphang jong u kam ïarap ïa u, bad u ong ha uwei uwei baroh ba u long u babieit.

PROBERB 18:2

U babieit um don jingsngewbha ha ka jingshemphang, hynrei, tang ba ka dohnud jong u kan pynpaw ïa lade.

PROBERB 29:11

U babieit u shu pynmih noh ïa la ka jingbitar baroh: hynrei, u briew u bastad u khang noh ïa ka bad u pynjai jai ïa ka.

1 SAMUEL 10:16

Bad u Saul u la ïathuh ha la u kñi, “U la ïathuh skhem ha ngi ba la lah shem ïa kita ki kadda.” Hynrei, ïa kata ka ktien shaphang ka jinglong syiem, kaba u la kren u Samuel, um shym ïathuh ha u.

NEHEMAÏAH 2:12

Bad nga la khie mynmiet, ma nga bad khyndiat ki briew lem bad nga; bad ngam shym la pyntip ïano ïano ïa kaei ba U Blei jong nga u la buh ha ka dohnud jong nga ban leh ïa ka Jerusalem: bad ym don u kynja mrad lem bad nga, hynrei, tang uta u mrad uba nga la shong halor jong u.

NEHEMAÏAH 2:16

Te ki nongsynshar kim shym tip shaei nga la leit, lane kaei nga la leh; lymne ngam pat shym la ïathuh ïa kane ha ki Jiw, lymne ha ki lyngdoh, lymne ha ki bakhraw batri, lymne ha ki nongsynshar, lymne ha kita kiwei kiba trei ïa ka kam.

PROBERB 14:33

Ka jingstad ka shong ha ka dohnud uta uba don ka jingshemphang: hynrei, ïa kata kaba ha ka kpoh ki babieit, la ju pynpaw.