PROBERB 12:18 - KA BAIBL

¹⁸ Don kiba kren thurmur kum ki jingdung ka wait: hynrei, u thylliej jong u bastad u long ka jingkhiah.

Khasi CL Bible (BSI)

¹⁸ Ki ktien ba khlem da pyrkhat ki lah ban pynmong jylliew kum kano kano ka waitlam, hynrei ki ktien ba kren ha ka jingstad ki lah ban pynkhiah.

PROBERB 12:18 ပူးပေါင်းရင်းမြစ်များ

SALM 52:2

U thylliej jong me u thaw ïa ka jingbymman hi; kum ka syrti banep u da leh shukor.

SALM 57:4

Ka mynsiem jong nga ka don hapdeng ki sing; nga thiah hapdeng kita kiba ing, ki khun shynrang ki briew keiñ, kiba ki bniat jong ki, ki long ki sum bad ki khnam, bad u thylliej jong ki ka waitlam banep.

SALM 57:5

To long ba la kyntiew ïa me, A U Blei, halor ki bneng; ai ba ka burom jong me kan long halor ka khyndew baroh.

SALM 59:7

Ha khmih, ki jynruh da la ka shyntur; ki waitlam ki don ha ki rmiang shyntur jong ki: “Naba,” ki ong, “uei u ban ïohsngew?”

SALM 64:3

kiba la shut ïa la u thylliej kum ka waitlam, bad kiba la thew ïa la ki khnam, ki ktien kiba kthang keiñ:

PROBERB 12:17

Uta uba kren ïa ka jingshisha u pynpaw ïa ka hok, hynrei, u sakhi lamler ïa ka jingshukor.

PROBERB 13:17

U nonglam-ktien uba bymman u hap ha ka jingsniew: hynrei, u nonglam-ktien uba ngeit u long ka jingkhiah.

PROBERB 15:4

U thylliej uba khiah u long u dieng ka jingim: hynrei, ka jingmutlop ha u ka long kaba pynjot mynsiem.

PROBERB 15:7

Ki rmiang shyntur jong u bastad ki pynphriang ïa ka jingtip: hynrei, ka dohnud u babieit kam leh kumta.

PROBERB 16:24

Ki ktien kiba bang ki long kum ka rewngap, kiba thiang ïa ka mynsiem, bad ka jingkhiah ïa ki shyieng.

PROBERB 25:18

U briew uba sakhi lamler pyrshah ïa la u paramarjan u long u tyrnem, bad ka waitlam, bad u khnam banep.

PROBERB 4:22

Namar ki long ka jingim ïa kita kiba shem ïa ki, bad ka jingkhiah ïa ka doh jong ki baroh.

DANIEL 11:33

Bad kita ki bastad hapdeng kita ki briew kin hikai ïa shibun: pynban, kin hap da ka waitlam bad da ka ding, da ka jinglongmraw bad da ka jinglute, bun sngi.

JINGPYNPAW 1:16

Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

JINGPYNPAW 22:2

Bad ha baroh ar liang jong kata ka wah la don u dieng ka jingim, uba sei noh ïa ki khat-ar ki jingsei soh, ha la u bnai u da sei noh ïa kata ka jingsei soh jong ka: bad ki sla jong uta u dieng ki long ïa ka ban pynkhiah ïa ki kynja bynriew.