PROBERB 12:12 - KA BAIBL

¹² U bymman u ikwah ïa ka jar jong ki briew ki basniew: hynrei, u thied jong u bahok u pynmih soh.

Khasi CL Bible (BSI)

¹² Baroh kaba ki briew ba-bymman ki kwah ka long ban wad ban leh ïa ki kam kiba sniew, hynrei kiba hok ki ïeng skhem.

PROBERB 12:12 ပူးပေါင်းရင်းမြစ်များ

SALM 1:3

Te un long kum u dieng ba la thung harud ki wah um, uba sei la u soh ha la ka aïom; uba ka sla jong u ruh kam tlor noh; bad kaei kaei ruh kaba u leh kan man bha.

SALM 10:9

U ap thap ha kyndong kum u sing ha la ka krem: u ap thap ban kem ïa u baduk: u kem ïa u baduk, haba u ring ïa u ha la ka jar.

SALM 9:15

Kita ki jaid bynriew ki la ngam ha kata ka 'liewlep kaba ki la thaw: ha kata ka jar kaba ki la buhrieh ka la ngat ka kjat jong ki hi.

PROBERB 10:15

Ka spah jong u bariewspah ka long ka shnong kaba skhem jong u: ka jingpynjot jong ki baduk long ka jingkyrduh jong ki.

PROBERB 11:30

U soh jong u bahok u long u dieng ka jingim; bad uta u bastad u pynngat ïa ki mynsiem.

PROBERB 21:10

Ka mynsiem jong u bymman ka kwah ïa ka basniew: u paramarjan jong u um shem kaba sngewbha ha khmat jong u.

ISAÏAH 27:6

Ha ki sngi ban wan u Jakob un suhthied; u Israel un phuh bad un shylluit: te kin pyndap ïa ka khmat ka pyrthei da u soh.

ISAÏAH 37:31

Te i bynta ba dang sah ba la ïohlait na ka ïing Judah in suhthied pat arsut, bad in sei soh artet.

MIKAH 7:2

Ki babha ki la duh noh na ka khyndew, te ym don u bahok hapdeng ki briew: baroh ki ïa-ap thap ïa ka snam; ki ïabeh mrad uwei uwei baroh ïa la u para da ka jar.

ÏOANNIS 15:16

Phi, phim shym la jied ïa nga, hynrei, nga, nga la jied ïa phi, bad nga la thung ïa phi, ba phi phin ïoh ïai-leit bad sei soh, bad ba u soh jong phi un ïoh ïaineh; ba kaei kaei ruh ba phin pan na uta U Kpa ha ka kyrteng jong nga, un ai ha phi.

ÏOANNIS 15:5

Ma nga, nga long u dieng soh Waiñ, ma phi ki tnat. Uta uba ïaineh ha nga, bad ma nga ha u, uta u sei soh shibun: naba khlem ma nga, phim lah leh ei ei ruh em.

Ka Shithi U Paul Sha Ki Nong Rom 6:22

Hynrei, mynta, ba la pyllait noh ïa phi na ka pop, bad ba la pynlong shakri ïa phi ha U Blei, phi ïoh kheit ïa u soh jong phi sha ka jingpynkhuid, bad ka bakut kan long ka jingim bymjukut keiñ.