PROBERB 12:11 - KA BAIBL

¹¹ Uta uba lur ïa la ka khyndew un ïoh pahuh u kpu: hynrei, uba bud ïa ki 'riewthala u suda ka jingshemphang.

Khasi CL Bible (BSI)

¹¹ U nongrep uba trei shitom u don pahuh ka bam, hynrei ka long ka jingleh bieit ban pynlehnoh-ei ïa ka por ha ki kam bymmyntoi.

PROBERB 12:11 ပူးပေါင်းရင်းမြစ်များ

JENESIS 3:19

Da ka jingsyep ka khmat jong me men bam ïa la u kpu, haduh ban da men phai dien pat sha ka khyndew; namar na ka la shim ïa me: naba ka 'dewmet me long, bad sha ka 'dewmet men leit phai pat.”

SALM 128:2

Naba men ïoh bam ïa ka jingminot ki kti jong me: men long suk, bad kan long bha ïa me.

SALM 26:4

Ngam shym shong bad ki briew ki bathala; lymne ngan ym leit lem bad ki nongarsap.

PROBERB 13:20

To ïaid bad ki briew ki bastad, to men long u bastad: hynrei, u lok jong ki babieit, un jynjar.

PROBERB 13:23

Don shibun ka jingbam ha ka lyngkha ba la puh jong u baduk: hynrei, don ruh kaba la pynjot namar ka jingbymhok.

PROBERB 14:23

Ha ka jingtrei minot baroh don ka jingmyntoi: hynrei, ka jingkren ki rmiang shyntur ka lam tang ha ka jingkyrduh.

PROBERB 14:4

Ha ka bymdon ki masi dab, ka shyngoid ka khuid: hynrei, ka jingmih shibun ka don da ka bor u masi dab.

PROBERB 20:13

Wat ieit ïa kaba ïohthiah, ïoh ba men kylla duk; to peit la ki khmat, te yn pynkdang ïa me da u kpu.

PROBERB 27:27

bad kan don ruh ka dud blang biang ïa ka jingbam jong me, ïa ka jingbam ki ba-ha-ïing jong me; bad ka jingbsa ïa ki shakri kynthei jong me.

PROBERB 28:19

Uta uba lur ïa la ka khyndew un ïoh pahuh ïa u kpu: hynrei, uta uba leit bud ïa ki 'riewthala un ïoh ka jingkyrduh la biang.

PROBERB 6:32

Uta uba klim bad ka kynthei u long uba suda ka jingshemphang: u leh ïa kata ka ban pynjot ïa la ka jong ka mynsiem.

PROBERB 7:7

te nga la khmih hapdeng ki babieit, nga la ïohi hapdeng ki samla, ïa u samla uba suda ka jingshemphang,

PROBERB 9:13

Ka kynthei ka babieit ka long kaba bun ktien kaw kaw; ka long ka babieit, bad kam tip ei ei.

PROBERB 9:16

“Jar u babieit, to un phai shane:” te ïa uta uba suda ka jingshemphang, ka ong,

PROBERB 9:6

To keiñ noh, phi ki babieit, bad to im; bad to ïaid ha ka lynti ka jingshemphang.”

JONAH 2:8

Kita kiba bat ïa ki jingthala kiba lamler, ki kyntait ïa la ka jong ka jingisynei.

EPHESOS 4:28

Jar uba ju tuh, to wat tuh shuh, hynrei, to un da trei shitom, da kaba trei da la ki kti ïa kata ka babha, ba un ïoh ei ei ban ïa-ai ha uta u bakyrduh.

2 THESSALONI 3:8

lymne ngim shym la bam ei ïa u kpu na uno uno ruh; hynrei, da ka jingtrei minot bad ka jingtrei shitom ngi da trei mynmiet bad mynsngi, khnang ïa ka ban ym ban khia ïano ïano ruh na phi:

NONGBISHAR 9:4

Bad ki la ai ha u hynñiewphew ki sbai rupa na ka ïing u Baal-berith; da kita, u Abimelekh u la wer ïa ki briew bathala bad basting, kiba la bud ïa u.