PROBERB 11:9 - KA BAIBL

⁹ Da la ka shyntur, uba khlem blei u pynjot ïa la u paramarjan: hynrei, da ka jingtip, ïa u bahok yn pyllait noh.

Khasi CL Bible (BSI)

⁹ Phi lah ban jot noh da ka jingkren ki briew kiba khlem blei, hynrei ka jingstad jong kiba hok ka lah ban pyllait im ïa phi.

PROBERB 11:9 ပူးပေါင်းရင်းမြစ်များ

1 SYIEM 22:6

Ynda kumta, u syiem ki Israel u la ïalum lang ïa ki nongïathuhlypa, kumba sawspah ngut, bad u la ong ha ki, “Ngan leit ïaleh ïa ka Ramoth-gilead, ne ngan pep?” Ki te ki la ong, “To leit kiew; naba U Trai un ai noh ïa ka ha ka kti u syiem.”

Ka Kitab U Job 34:30

khnang ba u briew uba khlem blei un ym synshar, ba yn ym don u ban pynriam ïa u paidbah.

Ka Kitab U Job 8:13

Kumta keiñ, ki long ki lynti jong kita baroh kiba klet noh ïa U Blei; bad ka jingkyrmen jong uba khlem blei kan ïap duh noh:

SALM 55:12

Namar ym shym la long u nongshun uba la krenbeiñ ïa nga; lada kumta, nga lah ban shah: lymne um shym long uba shun ïa nga uba la pynkhraw ïa lade pyrshah ïa nga; lada kumta, nga la buhrieh ïa lade na u:

PROBERB 11:6

Ka hok jong kiba beit kan pyllait ïa ki: hynrei, ïa kita kiba shetkylla yn pynngat ha la ka jong ka jingpynsniew.

PROBERB 11:8

Ïa u bahok la pyllait na ka jingshitom, bad u bymman u wan ha ka jaka jong u.

PROBERB 16:29

U briew uba leh jubor u riam pah ïa la u paramarjan bad u ïalam ïa u ha ka lynti ka bymbha.

MATHAÏOS 7:15

“To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

MARKOS 13:14

“Hynrei, ynda phin ïohi ïa kata ka jingijli bapynduh, kaba la kren da u Daniel u nongïathuhlypa, ba ka ïeng sha ka bymdei (Jar uba pule un da sngap,) ynda kumta, kita kiba ha Judia, to kin ïaphet ïap noh sha ki lum;

KI KAM 20:30

bad napdeng jong phi hi ruh, ki rangbah kin ïamih kiba ïalap ïa kiei kiei ruh kiba bakla, ïa ka ban ring pah ïa ki synran hadien jong ki.

1 ÏOANNIS 2:21

Ngam shym la thoh ha phi naba phim tip ïa ka jingshisha, hynrei, naba phi tip ïa ka, bad ba kawei ruh kaba lamler kam long na ka jingshisha.

1 ÏOANNIS 2:27

Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.