PROBERB 11:6 - KA BAIBL

⁶ Ka hok jong kiba beit kan pyllait ïa ki: hynrei, ïa kita kiba shetkylla yn pynngat ha la ka jong ka jingpynsniew.

Khasi CL Bible (BSI)

⁶ Ka hok ka pyllait ïa kito kiba lehhok, hynrei kito ïa kiba ym lah ban shaniah ki shah riam ha la ka jong ka jingkwah brai hi.

PROBERB 11:6 ပူးပေါင်းရင်းမြစ်များ

JENESIS 30:33

Kumta, ka hok jong nga kan ïoh kheiñ na ka bynta jong nga ha kaba lashai lashisngi, haba kan sa wan wad ïa ka bainong ha khmat jong me: bad baroh kat ki bymlong bathoh bria bad bathoh bruiñ hapdeng ki blang, bad ki bym lam saw hapdeng ki langbrot, kata kan long ba ñiew kum kaba la tuh bad nga.”

JENESIS 31:37

Haba me la khyllie ïa ki jingbuh jingsat jong nga baroh, hato me la shem aïu na ki jingbuh jingsat baroh ka ïing jong me? to buh ïa kata hangne ha khmat ki hynmen hynbew jong nga bad ki jong me, ba kin ïoh bishar hapdeng jong ngi baroh ar ngut.

1 SYIEM 2:44

U syiem u la ong ruh ha u Shimei, “Me tip ïa ka jingsniew baroh kaba ka dohnud jong me ka rieh, kaba me la leh ïa u Dabid u kpa jong nga: namar kata, U Trai un pynphai ïa ka jingsniew jong me halor ka khlieh jong me hi.

SALM 9:15

Kita ki jaid bynriew ki la ngam ha kata ka 'liewlep kaba ki la thaw: ha kata ka jar kaba ki la buhrieh ka la ngat ka kjat jong ki hi.

PROBERB 11:9

Da la ka shyntur, uba khlem blei u pynjot ïa la u paramarjan: hynrei, da ka jingtip, ïa u bahok yn pyllait noh.

PROBERB 5:22

Ki jingleh bymhok jong u hi kin pynngat ïa u bymman, bad yn bat ïa u da ki tyllai ka pop jong u.

EKLESIASTIS 10:8

Uta uba tih ïa ka 'liewlep un hap sha ka; bad uta uba tur lyngba ïa ka jingker, u bseiñ un puh ïa u.

NONGBISHAR 20:41

Te ki rangbah Israel ki la phai, bad ki briew Benjamin ki la lyngngoh ngaiñ: naba ki la ïohi ba ka basniew ka la lah lap ïa ki.