PROBERB 11:4 - KA BAIBL

⁴ Ki spah kim pynmyntoi ha ka sngi ka jingbitar: hynrei, ka hok ka pyllait na ka jingïap.

Khasi CL Bible (BSI)

⁴ Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

PROBERB 11:4 ပူးပေါင်းရင်းမြစ်များ

JENESIS 7:1

Te U Trai u la ong ha u Noah, “To khie leit ma me bad ka ïing jong me baroh shapoh kata ka ïinglieng; naba ïa me nga la ïohi u bahok ha khmat jong nga ha kane ka pateng bynriew.

Ka Kitab U Job 20:28

Ka jingroi ka ïing jong u kan jah noh, bad ki spah jong u kin tuid noh ha ka sngi ka jingbitar jong u.

PROBERB 10:2

Ki jingkynshew ka jingbymman kim pynmyntoi ei ei: hynrei, ka hok ka pyllait na ka jingïap.

PROBERB 12:28

Ha ka lynti ka hok ka jingim ka long; bad ha ka lynti ïaid jong ka, ka jingïap kam don.

PROBERB 6:34

Namar ka jingskuiñ ka long ka jingbitar lep u briew; bad un ym map ha ka sngi ka jingpynhiar kput.

ISAÏAH 10:3

Te phin leh aïu ha ka sngi ka jingwan-i, bad ha ka jingpynjot noh ka ban wan na sha jngai? Hano phin phet ban ïoh jingïarap? Shano ruh phin iehnoh ïa ka burom jong phi?

ESEKIEL 14:14

la kine lai ngut ki briew, u Noah, u Daniel, bad u Job, ki la don ha ka, ki kin da pyllait tang ïa la ki jong ki mynsiem da la ka hok,” ong U Trai U Blei.

ESEKIEL 7:19

Kin bred ïa la ka rupa ha ki lynti shnong, bad ka ksiar jong ki kan long kum kaba sang; ka rupa jong ki bad ka ksiar jong ki kin ym lah ban pyllait ïa ki ha ka sngi ka jingbitar U Trai; kin ym pynhun ïa ka mynsiem jong ki, lymne kin ym pyndap ïa ki snier jong ki: namar ka la long ka jingjynthut ka jingbymhok jong ki.

SEPHANAÏAH 1:18

Lymne ka rupa jong ki lymne ka ksiar jong ki kan ym lah ban pynim ïa ki ha kata ka sngi ka jingbitar U Trai: hynrei, ïa ka ri baroh yn bam duh da ka ding ka jingsatnud jong u: naba un pynlong ka jingkut, ka jingkut kaba itieng keiñ, ïa kita baroh kiba shong ha ka ri.

MATHAÏOS 16:26

Naba u briew un myntoi aïu, lada un ïoh ïa ka pyrthei baroh, bad un duh noh ïa la ka mynsiem? Lane u briew un ïapli da ei ïa la ka mynsiem?

LOUKAS 12:20

Hynrei, U Blei u la ong ha u, ‘A me u babieit, ha kane ka miet yn pan noh ïa ka mynsiem jong me na me; ki jongno te kin long kita kiei kiei ïa kiba me la khreh lypa?’

Ka Shithi U Paul Sha Ki Nong Rom 5:17

Namar, lada da kata ka jingryngkang ka jong uta uwei, kata ka jingïap ka la synshar da uta uwei; da kham tam shibun keiñ, kita kiba pdiang ïa ka jingkynrei ka jong kata ka jingaiei, bad ka jong kata ka jingai ka jong ka hok, kin ïoh synshar ha ka jingim da uta uwei, uba U Jisu Khrist.

1 TIMOTHI 4:8

Namar ka jingpynmlien ïa ka met, ka myntoi tang khyndiat; hynrei, kata ka jingriewblei, ka pynmyntoi sha kiei kiei baroh; naba ka don ka jingkular ïa ka jingim kaba mynta, bad ïa kata ka ban sa wan.