PROBERB 11:26 - KA BAIBL

²⁶ Uta uba bat ïa u Kew, ki briew kin tim ïa u: hynrei, ka jingkyrkhu kan long halor ka khlieh jong uba die ïa u.

Khasi CL Bible (BSI)

²⁶ Ki briew ki tim ïa uno uno uba set ïa u kew, ban ap haba un kiew dor, hynrei ki ïaroh ïa uno uno uba sei ban die ïa u.

PROBERB 11:26 ပူးပေါင်းရင်းမြစ်များ

JENESIS 42:6

Bad u Joseph u la long u nongsynshar halor kata ka ri, bad u la long ma u keiñ uba la die ha ki briew baroh jong kata ka ri; bad ki hynmen u Joseph ki la ïawan, bad ki la ïanguh ngon ïa u da la ki khmat haduh ka khyndew.

JENESIS 47:14

Bad u Joseph u la ïalum ïa ki sbai baroh ïa kiba la ïoh shem ha ka ri Ijipt, bad ha ka ri Kanaan, na ka bynta u Kew ba ki la thied: bad u Joseph u la wallam ïa kita ki sbai sha ïing u Pharaoh.

Ka Kitab U Job 29:13

Ka jingkyrkhu jong uta uba sa ba un ïap ka la wan ha nga: bad nga la pynshadkmen ïa ka dohnud jong ka riewkynthei.

PROBERB 10:6

Ki jingkyrkhu ki don ha ka khlieh jong u bahok: hynrei, ka jingleh-jubor ka tap ïa ka shyntur jong u bymman.

PROBERB 24:24

Uta uba ong ha u bymman, “Me u bahok;” ki briew kin tim ïa u, bad ki jaid bynriew kin isih ïa u;

PROBERB 28:27

Uta uba ai ha u baduk un ym kyrduh: hynrei, uta uba buhrieh ïa la ki khmat un ïoh shibun ki jingtim.