PROBERB 11:19 - KA BAIBL

¹⁹ Uta uba neh ha ka hok un kot sha ka jingim: bad uta uba beh ïa ka basniew u leh ïa kata sha la ka jong ka jingïap.

Khasi CL Bible (BSI)

¹⁹ Uno uno uba kut jingmut ban leh ïa kaba dei un im, hynrei uno uno uba ïai beh ban leh ïa kaba sniew un ïap.

PROBERB 11:19 ပူးပေါင်းရင်းမြစ်များ

2 SYIEM 1:16

Bad u la ong ha u, “Kumne ong U Trai, ‘Namar kumba me la phah nongkit-ktien ban ïakylli ha u Belsebul u blei ka Ekron, sha bymdon U Blei ha Israel ban ïakylli ïa ka ktien jong u? namar kata, men ym khie shuh na kata ka jingthiah sha kaba me la leit kiew, hynrei, men ïap shisha.’ ”

2 SYIEM 1:4

Namar kata te, kumne ong U Trai, ‘Men ym khie shuh na kata ka jingthiah sha kaba me la leit kiew, hynrei, men ïap shisha.’ ” Bad u Elijah u la leit noh.

PROBERB 10:16

Ka jingtrei jong u bahok ka lam sha ka jingim; ka jingmih jong u bymman sha ka pop.

PROBERB 11:4

Ki spah kim pynmyntoi ha ka sngi ka jingbitar: hynrei, ka hok ka pyllait na ka jingïap.

PROBERB 12:28

Ha ka lynti ka hok ka jingim ka long; bad ha ka lynti ïaid jong ka, ka jingïap kam don.

PROBERB 19:23

Ka jingsheptieng ïa U Trai ka lam sha ka jingim: bad uta ha uba ka don un neh ha ka jinghun; yn ym pynwan ïa ka jingsniew ha u.

PROBERB 21:16

U briew uba sakma na ka lynti ka jingshemphang un shongthait ha u paidlang jong ki baïap.

PROBERB 21:21

Uta uba beh ïa ka hok bad ka jingisynei u shem ïa ka jingim, ïa ka hok, bad ka burom.

PROBERB 8:36

Hynrei, uta uba leh pop ïa nga u pynsniew ïa la ka jong ka mynsiem: baroh kat kiba shun ïa nga ki ieit ïa ka jingïap.”

KI KAM 10:35

hynrei, ha kano kano ka jaid bynriew, jar uba sheptieng ïa U, bad uba ïai-leh ïa ka hok, u long keiñ uba la pdiang sngewbha da U.

Ka Shithi U Paul Sha Ki Nong Rom 6:23

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.

DEUTERONOMI 16:20

Tang ïa ka hok, ïa ka hok keiñ men bud, ba men ïoh im, bad men ïoh pateng ruh ïa kata ka ri, ïa kaba U Trai uba U Blei jong me u ai ha me.

JAKOB 1:15

Ynda kumta, kata ka jingkwah brai, haba ka la pun, ka kha ïa ka pop, te kata ka pop, haba ka la san, ka kha ïa ka jingïap keiñ.

1 ÏOANNIS 3:10

Ha kane keiñ, ki la paw kita ki khun U Blei, bad kita ki khun u Soitan. Uwei pa uwei baroh u bym ju leh ïa ka hok um long na U Blei, lymne uta u bymieit ïa la u para.

1 ÏOANNIS 3:7

Ko khun hep, wat ai ïano ïano ruh ba un ïalam bakla ïa phi; jar uba ïai-leh ïa ka hok u long u bahok, kat kumba ma u, u long u bahok.