PROBERB 11:13 - KA BAIBL

¹³ Uta uba par kylleng kum u nongkrensiar u pynpaw ïa ki ktien rieh: hynrei, uta uba don ka mynsiem kaba shaniah u buhrieh ïa ka kam.

Khasi CL Bible (BSI)

¹³ Uba lorni u thad ïa kaba la buhrieh, hynrei phi lah ban buh ïa ka jingshaniah ha uba lah ban buhrieh.

PROBERB 11:13 ပူးပေါင်းရင်းမြစ်များ

PROBERB 10:19

Ha ka jingbun ki ktien ym ju duh ka jingryngkang: hynrei, uta uba khang ïa la ki rmiang shyntur u leh stad.

PROBERB 11:12

Uta uba ñiewbeiñ ïa la u paramarjan u long uba suda ka jingstad: hynrei, u briew uba shemphang u sngap jar.

PROBERB 12:23

U briew u basian u buhrieh ïa ka jingtip: hynrei, ka dohnud ki babieit ka pynbna ïa ka jingbieit.

PROBERB 14:5

U sakhi uba shisha un ym lamler: hynrei, u sakhi uba lamler u kren ïa ki jinglamler.

PROBERB 19:11

Ka jingsian u briew ka pynlong ïa u, uba tud ban bitar; bad ka long ka burom jong u ban jam palat ïa ka jingryngkang.

PROBERB 20:19

Uba ïaid kylleng kum uba lorni u pynpaw ïa ki jingbuhrieh: namar kata, wat ïashang bad uba ang ryngheng ïa la ki rmiang shyntur.

PROBERB 25:9

To ïasaid ïa la ka kam bad la u paramarjan hi, bad wat pynpaw ïa ka jingbuhrieh jong uwei pat:

JEREMAÏAH 38:27

Te ki rangbah baroh ki la wan ha u Jeremaïah, bad ki la kylli ïa u: bad u la ïathuh ha ki, ïa kine ki ktien baroh kat kiba u syiem u la hukum. Kumta, kim ïakren shuh bad u; naba ym shym la tip ïa ka kam.

LEBITIKOS 19:16

Wat ïaid me kum u nongkrensiar hapdeng u paidbah jong me: lymne ïeng pyrshah ïa ka snam jong u paramarjan jong me: Nga long U Trai keiñ.

1 TIMOTHI 5:13

Bad ruh putet ki nang mlien ban long kiba alhia haba ki kyntiap na ïing sha ïing; te ym tang kiba alhia, hynrei, kiba blab blab ruh bad kiba lorni, haba ki kren ïa kiei kiei ruh ki bymdei ban kren.

JOSHUA 2:14

Te kita ki briew ki la ïathuh ha ka, “Ka jingim jong ngi namar ka jong phi, lada phin ym pynpaw ïa kane ka kam jong ngi; kan long ruh, haba U Trai un ai ïa kane ka ri ha ngi, ba ngin leh isynei bad kaba shisha ïa phi.”

JOSHUA 2:20

Te lada phan pynpaw ïa kane ka kam jong ngi, ynda kumta, ngi la lait na ka jingsmai jong pha ïa kaba pha la pynsmai ïa ngi.”