PROBERB 10:4 - KA BAIBL

⁴ U kylla duk uta uba trei da ka kti kaba alhia; hynrei, ka kti uba trei minot ka pynriewspah.

Khasi CL Bible (BSI)

⁴ Ka jinglong jaipdeh kan pynlong ïa phi ban kyrduh, hynrei ka jingtrei shitom kan pynriewspah ïa phi.

PROBERB 10:4 ပူးပေါင်းရင်းမြစ်များ

JENESIS 26:32

Ka la jia ruh ha kata kajuh ka sngi, ba ki shakri u Isaak ki la wan ïathuh ha u shaphang ka pukri ïa kaba ki la lah ïatih, bad ki la ong ruh ha u, “Ngi la shem ïa ka um.”

PROBERB 10:5

Uta uba lum mynlyiur u long u khun u bastad: hynrei, uta uba ïohthiah ha ka aïom ot u long u khun uba pynlehrain.

PROBERB 11:24

Don uba pynsaphred, bad u nang kham roi kham roi: don ruh uba bat kham bun ban ïa kaba dei, hynrei, ka lam tang sha kaba kyrduh.

PROBERB 12:24

Ka kti jong uba minot kan synshar: hynrei, ïa uba jaipdeh yn buh ha ka kam kaba shitom.

PROBERB 12:27

U briew uba alhia um ju syang ïa kata kaba u ïoh na kaba beh mrad: hynrei, ka spah kaba kordor ki briew ka long ïa uba minot.

PROBERB 13:4

Ka mynsiem jong uba alhia ka ikwah, te kam ïoh ei ei: hynrei, ïa ka mynsiem jong uba minot yn pynsngaid.

PROBERB 18:9

Uta ruh uba jaipdeh ha la ka kam u long uba shipara bad uta uba pynsyrwa.

PROBERB 19:15

Ka jingalhia ka pynïohthiah lyngngai; bad ka mynsiem kaba jaipdeh kan shah thngan.

PROBERB 19:24

Uba jaipdeh u thep ïa la ka kti ha ka pliang, bad un ym rah ïa ka pat wat kat ha la ka shyntur.

PROBERB 20:13

Wat ieit ïa kaba ïohthiah, ïoh ba men kylla duk; to peit la ki khmat, te yn pynkdang ïa me da u kpu.

PROBERB 20:4

Uba jaipdeh un ym lur namar ba tlang; namar kata, un shu makia mynlyiur, bad um ïoh ei ei.

PROBERB 21:5

Ki jingmut jong uba minot ki lam tang sha ka jingkyrhai: hynrei, uwei uwei baroh uba kyrkieh u kyrkieh tang sha ka jingkyrduh.

EKLESIASTIS 10:18

Da ka jingalhia ka jingsop kan ngam shapoh; bad da ka jingjaipdeh ki kti ka ïing ka jaw.

ÏOANNIS 6:27

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

1 KORINTH 15:58

Naba kumta, ko parabangeit ba-ieit jong nga, to long phi kiba ïaineh skhem, bad ki bymkynriah noh, bad kiba man kyrhai man la ka sngi ha ka kam U Trai, haba phi tip skhem ba kata ka jingtrei minot jong phi kam ju long kaba lehnohei ha U Trai.