PROBERB 10:31 - KA BAIBL

³¹ Ka shyntur u bahok ka pynmih ïa ka jingstad: hynrei, ïa u thylliej uba mutlop yn ot noh.

Khasi CL Bible (BSI)

³¹ Ki briew kiba hok ki kren ïa ka jingstad, hynrei ïa u thylliej uba kren sniew yn pynsangeh.

PROBERB 10:31 ပူးပေါင်းရင်းမြစ်များ

SALM 12:4

kiba la ong, “Da la u thylliej ngin jop; ki rmiang shyntur jong ngi ki long la ki jong; uei uba long trai halor jong ngi?”

SALM 31:18

Ai ba kin sngap noh jar ki rmiang shyntur kiba lamler; kiba da kaba meng ki kren pyrshah ïa ki bahok, da ka jingsarong bad ka jingñiewbeiñ.

SALM 37:30

Ka shyntur u bahok ka kren ïa ka jingstad, bad u thylliej jong u, u kren ïa ka jingbishar.

SALM 63:11

Hynrei, u syiem un leh kmen ha U Blei: uwei uwei baroh uba smai ha U, un shadkmen; namar yn set ïa ka shyntur jong kita kiba kren lamler.

PROBERB 10:11

Ka shyntur u bahok ka long ka pukri ka jingim; hynrei, ka jingleh-jubor ka tap ïa ka shyntur jong u bymman.

PROBERB 10:13

Ha ki rmiang shyntur jong uba don ka jingsngewthuh ju shem ka jingstad: hynrei, u dieng sympat u don ïa ka ingdong jong uba suda ka jingshemphang.

PROBERB 17:20

Uta uba don ka dohnud kaba mutlop um shem ei ei ka babha: bad uta uba don u thylliej uba kiat un hap sha ka basniew.

PROBERB 31:26

Ka ang ïa la ka shyntur ha ka jingstad; bad ka aiñ ka jinglehsbun ka ha u thylliej jong ka.